វ៉ាស៊ីនតោន៖ មន្រ្តីជាន់ខ្ពស់អាមេរិកបាននិយាយនៅថ្ងៃសៅរ៍នេះថា សហរដ្ឋអាមេរិកបានជម្លៀសជនជាតិអាមេរិកចំនួន ២.៥០០ នាក់ ចេញពីទីក្រុងកាប៊ុល កាលពីសប្តាហ៍មុន ដោយបន្ថែមថា ទីក្រុងវ៉ាស៊ីនតោនកំពុងប្រយុទ្ធប្រឆាំងនឹង “ពេលវេលានិងកន្លែង” ដើម្បីជម្លៀសប្រជាជនចេញពីអាហ្វហ្គានីស្ថាន។

អ្នកយកព័ត៌មានសង្ខេបនៅឯមន្ទីរបញ្ចកោណ លោក ឧត្តមសេនីយ៍ត្រី William Taylor បាននិយាយថា រហូតមកដល់ពេលនេះមនុស្សចំនួន ១៧.០០០ នាក់ ត្រូវបានគេជម្លៀសចេញរួមទាំងជនជាតិអាមេរិកចំនួន ២.៥០០ នាក់ ផងដែរ។ អ្នកនាំពាក្យមន្ទីរបញ្ចកោណ លោក John Kirby បាននិយាយថា លោកមិនមាន “តួលេខល្អឥតខ្ចោះ” អំពីចំនួនជនជាតិអាមេរិកដែលនៅសេសសល់នៅក្នុងទីក្រុងកាប៊ុលនោះទេ។

លោក John Kirby បាននិយាយទៀតថា “យើងកំពុងប្រយុទ្ធប្រឆាំងទាំងពេលវេលា និងកន្លែង ។ នោះគឺជាការប្រណាំងប្រជែងដែលយើងកំពុងប្រកួតនៅពេលនេះ ហើយយើងព្យាយាមធ្វើវាឱ្យបានលឿននិងប្រកបដោយសុវត្ថិភាពតាមដែលអាចធ្វើទៅបាន។

គួររំលឹកថា គោលដៅរបស់សហរដ្ឋអាមេរិកគឺយកមនុស្សចេញឱ្យបានច្រើនតាមដែលអាចធ្វើទៅបានអោយលឿនបំផុត។ NR