ភ្នំពេញ ៖ ក្រសួងបរិស្ថាន បានឲ្យដឹងថា ហ្វូងដំរីព្រៃចំនួន ៣៨ ក្បាល ត្រូវបានប្រជាពលរដ្ឋឃើញ និងថត នៅក្នុងដែនជម្រកសត្វព្រៃកែវសីម៉ា នាពេលថ្មីៗនេះ ។
យោងតាមគេហទំព័រហ្វេសប៊ុក របស់ ក្រសួងបរិស្ថាន នាព្រឹកថ្ងៃទី២ ខែមេសា ឆ្នាំ២០២១ បានបញ្ជាក់ថា ដែនជម្រកសត្វព្រៃកែវសីម៉ា គឺជាទីជម្រកដ៏ធំមួយរបស់សត្វដំរីព្រៃអាស៊ី និងប្រភេទសត្វកម្រផ្សេង ទៀត។
ក្រសួង បន្ដថា បច្ចុប្បន្ន មានសត្វដំរីព្រៃចន្លោះពី ៤០០ ទៅ ៦០០ ក្បាលដែលកំពុងរស់នៅក្នុងតំបន់ការពារធម្មជាតិកម្ពុជាជាពិសេស នៅក្នុងតំបន់ជួរភ្នំក្រវ៉ាញ និងភាគឦសាននៃប្រទេសកម្ពុជា។
ក្រសួងបរិស្ថាន ធ្វេីអំពាវនាវដល់ប្រជាពលរដ្ឋដែលរស់នៅតំបន់នោះ សូមកុំរំខានដល់សត្វដំរីព្រៃទាំងនោះ និងចូលរួមការពារ និងអភិរក្សសត្វដំរីព្រៃទាំងនេះឱ្យបានគង់វង្ស ផងដែរ៕
