ភ្នំពេញ៖ គេហទំព័រទេសចរណ៍ Touropia បានជ្រើសរើសតំបន់ទេសចរណ៍វប្បធម៌ចំនួន១០ក្នុងទ្វីបអាស៊ីសម្រាប់កំណត់ជាគោលដៅដែលភ្ញៀវទេសចរគួរតែទៅកម្សាន្តលេង។ តំបន់អង្គរវត្តគឺជាប់លេខ១ ក្នុងចំណោមតំបន់ទេសចរណ៍ទាំង១០ក្នុងទ្វីបអាស៊ី។

តំបន់អង្គរត្រូវបានពិភពលោកទទួលស្គាល់ថា  ជាទីក្រុងវប្បធម៌ដ៏មានវ័យចំណាស់យូរលង់មកហើយ។ តំបន់អង្គរ មានប្រាសាទបុរាណជាច្រើន គឺប្រាសាទអង្គរធំ ប្រាសាទបាយ័ន ប្រាសាទអង្គរតូច ប្រាសាទបន្ទាយស្រី ប្រាសាទតាព្រហ្ម ប្រាសាទនាគព័ន្ធជាដើម។

ទន្ទឹមនេះទីក្រុងភ្នំពេញក៏បានជាប់លំដាប់ថ្នាក់ទី១៨ ក្នុងចំណោមទីក្រុងក្នុងទ្វីបអាស៊ីចំនួន២៥ ដែលស្ថិតក្នុងការជ្រើសរើសរបស់គេហទំព័រទេសចរណ៍ Touropia ផងដែរ។

សូមបញ្ជាក់ថា គេហទំព័រ Touropiaបានសរសេរថា ទីក្រុងភ្នំពេញដ្បិតតែធ្លាប់បានឆ្លងកាត់របបអាណានិគមបារំាង និងសង្គ្រាមជាច្រើនដំណាក់កាលកន្លងមក ប៉ុន្តែទីក្រុងមួយនេះគឺមានការរីកចម្រើនលឿនធ្វើឲ្យទីក្រុងមានភាពអ៊ូអរ ជាមួយនឹងបរិយាកាស អគារខ្ពស់ៗ មហាវិថី ភោជនីយដ្ឋាន ហាងកាហ្វេ និងអគារសម័យអាណានិគមបារាំងជាដើម៕EB