ភ្នំពេញ ៖ សម្ដេច ក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រី ក្រសួង មហាផ្ទៃ បានចូលរួមអបអរសាទរម្ចាស់ជ័យលាភីពានរង្វាន់សហព័ន្ធកីឡាវាយកូនខ្លីលើតុលើកទី១ នៃព្រឹត្តិការណ៍ប្រកួតកីឡាវាយកូនឃ្លីលើតុ ជ្រើសរើសជើងឯកថ្នាក់ជាតិ។
តាមរយៈ បណ្ដាញសង្គមហ្វេសប៊ុករបស់ សម្ដេច ក្រឡាហោម ស ខេង នៅថ្ងៃទី២៥ ខែតុលា ឆ្នាំ ២០២០ នេះបានឲ្យដឹងថា "សូមថ្លែងអំណរគុណចំពោះថ្នាក់ដឹកនាំសហព័ន្ធ រួមទាំងភាគីពាក់ព័ន្ធទាំងអស់ ដែលបានសហការរៀបចំព្រឹត្តិការណ៍ប្រកួតកីឡាវាយកូនឃ្លីលើតុនេះ ប្រកបដោយភាពជោគជ័យ ចាប់ពីថ្ងៃទី១៩ ដល់ថ្ងៃទី២៤ ខែតុលា"។
សម្ដេច ក្រឡាហោម អំពាវនាវ កីឡាករ កីឡាការនីទាំងអស់ បន្តប្រឹងប្រែងហ្វឹកហាត់បង្កើនសមត្ថភាពឈានឆ្ពោះទៅរកភាពជោគជ័យបន្ថែមទៀត ពិសេសក្នុងព្រឹត្តិការណ៍ប្រកួតកម្រិតតំបន់ និងអន្តរជាតិ៕EB
