សម្តេចតេជោ ៖ កម្ពុជាគ្រប់គ្រងជំងឺកូវីដ-១៩ បាន ឫមិនបាន គឺស្ថិតលើរយៈពេល១៥ថ្ងៃខាងមុខ ដូច្នេះត្រូវរួមគ្នាទប់ស្កាត់ឲ្យទាន់ពេលវេលា
ភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រី នៃ កម្ពុជា បានឲ្យដឹងថា កម្ពុជាគ្រប់គ្រងជំងឺកូវីដ-១៩ បាន ឫមិនបាន គឺស្ថិតលើរយៈពេល១៥ថ្ងៃខាងមុខ ហើយ១៥ថ្ងៃខាងមុខគឺចំណុះលើការប្រឹងប្រែងរួមគ្នាទាំងរដ្ឋ និងប្រជាពលរដ្ឋ។
ក្នុងឱកាសអញ្ជើញ បើកការដ្ឋានសាងសង់ និងកែលំអរផ្លូវ៣៨ខ្សែ នៅក្រុងសៀមរាប នាព្រឹកថ្ងៃទី៣០ ខែ វិច្ឆិកា ឆ្នាំ ២០២០ សម្ដេចតេជោ ហ៊ុន សែន បានបញ្ជាក់ថានេះជាដំណាក់កាលសាកល្បងដ៍ធំរបស់កម្ពុជា ហើយប្រសិនបើទប់ស្កាត់មិនបានទាន់ពេលវេលាទេ នោះជាមហន្តរាយមួយរបស់កម្ពុជា។
សម្តេចតេជោ ចាត់ទុកថា នេះជាករណីបាត់ដាន ដោយសារតែរហូតមកទល់នឹងពេលនេះគឺរកអត់ទាន់ឃើញក្បាលកន្ទុយនៅឡើយ។ដើម្បីយកឈ្នះជំងឺខូវិដ ១៩ សម្តេចតេជោ សូមអោយពលរដ្ឋធ្វើជាអ្នកខ្លាចនិងជាអ្នកចុះចាញ់ ដោយត្រូវពាក់ម៉ាស់ លាងដៃ និងរក្សាគម្លាត។
សម្តេចតេជោ ហៅការឆ្លងចូលសហគមជាលើកដំបូងនៅកម្ពុជាដែលមានភរិយារបស់លោក ចែម សាវុធ ជាអ្នកឆ្លងទី១មួយនោះ ថាព្រឹត្តការណ៍សហគម ២៨ វិច្ឆិការ។សម្តេចតេជោបញ្ជាក់ថា រហូតមកទល់នឹងពេលនេះប្រភពចម្លងនៅមិនទាន់ដឹងក្បាលកន្ទុយនៅឡើយទេ ដូច្នេះត្រូវធ្វើក្នុងល្បឿនលឿនបំផុត និង កម្រិតទ្រង់ទ្រាយធំ។
សម្តេចតេជោ បានឲ្យដឹងថា ករណីឆ្លងសហគមលើកដំបូង ២៨ វិច្ឆិកា ក្រសួងសុខាភិបាលបានយកសំណាកជាង បីពាន់ និង មកពី៧ខេត្តក្រុង៕EB