(បេកាំង)៖ ប្រទេសចិនបានចោទប្រកាន់សហរដ្ឋអាមេរិកថាជា "ការគំរាមកំហែងដ៏ធំបំផុតចំពោះសន្តិភាព ស្ថិរភាព និងការអភិវឌ្ឍន៍ពិភពលោក" នេះគឺជាការឆ្លើយតបទៅនឹងការចោទប្រកាន់របស់ប្រមុខសេវាសន្តិសុខនៅទីក្រុងវ៉ាស៊ីនតោន និងទីក្រុងឡុងដ៍ដែលថា ចារកម្មរបស់ចិនគឺជាការគំរាមកំហែងពិភពលោក ហើយប្រទេសចិនកំពុងគំរាមកំហែងដល់សណ្តាប់ធ្នាប់អន្តរជាតិ។នេះបើតាមសេចក្តីរាយការណ៍របស់ទីភ្នាក់ងារសារព័ត៌មាន Aljazeera នៅថ្ងៃទី០៨ ខែមិថុនា ឆ្នាំ២០២២។

 ការអត្ថាធិប្បាយរបស់អ្នកនាំពាក្យក្រសួងការបរទេសចិន លោក Zhao Lijian បានធ្វើឡើងមួយថ្ងៃបន្ទាប់ពីប្រធានការិយាល័យស៊ើបអង្កេតសហព័ន្ធអាមេរិក (FBI) និងមេដឹកនាំទីភ្នាក់ងារស៊ើបការណ៍សម្ងាត់ក្នុងស្រុករបស់ចក្រភពអង់គ្លេស MI5 បានលើកឡើងពីការព្រមានជាថ្មីអំពីរដ្ឋាភិបាលចិន ដោយព្រមានមេដឹកនាំអាជីវកម្មថាទីក្រុងប៉េកាំងកំពុង ប្ដេជ្ញា​លួច​បច្ចេកវិទ្យា​របស់​ខ្លួន​ដើម្បី​ចំណេញ​ក្នុង​ការ​ប្រកួតប្រជែង។

 ការឆ្លើយតបពីទីក្រុងប៉េកាំងក៏កើតឡើងមុនកិច្ចប្រជុំនៅថ្ងៃសៅរ៍រវាងរដ្ឋមន្ត្រីការបរទេសអាមេរិកលោក Antony Blinken និងរដ្ឋមន្ត្រីការបរទេសចិនលោក Wang Yi នៅក្នុងកិច្ចប្រជុំកំពូលក្រុមប្រទេសអ្នកមាន G20 និងប្រទេសកំពុងអភិវឌ្ឍន៍ឈានមុខគេនៃក្រុម 20 (G20) នៅកោះបាលី ប្រទេសឥណ្ឌូនេស៊ី។

 លោក Zhao បានប្រាប់ក្រុមអ្នកសារព័ត៌មានក្នុងសន្និសីទសារព័ត៌មានប្រចាំថ្ងៃ នៅពេលសួរអំពីមតិរបស់នាយក FBI លោក Christopher Wray ដែលបរិហារចារកម្មសេដ្ឋកិច្ច និងប្រតិបត្តិការលួចចូលដោយប្រទេសចិន និងកិច្ចខិតខំប្រឹងប្រែងរបស់រដ្ឋាភិបាលចិនថា "អ្នកនយោបាយអាមេរិកដែលពាក់ព័ន្ធបានកំពុងលេងសើចនឹងអ្វីដែលហៅថាការគំរាមកំហែងរបស់ចិនក្នុងការលាបពណ៌ និងវាយប្រហារប្រទេសចិន" ។ Zhao បាននិយាយថា "ការពិតបានបង្ហាញឱ្យឃើញយ៉ាងពេញលេញថាសហរដ្ឋអាមេរិកគឺជាការគំរាមកំហែងដ៏ធំបំផុតចំពោះសន្តិភាព ស្ថិរភាព និងការអភិវឌ្ឍន៍ពិភពលោក" ៕