អគ្គីភ័យឆាបឆេះនៅក្នុងភូមិ Guryong ភាគខាងត្បូងទីក្រុងសេអ៊ូល ដែលមានផ្ទះរបស់ប្រជាពលរដ្ឋជាង៦៦០ខ្នង
កូរ៉េខាងត្បូង៖ អាជ្ញាធរពន្លត់អគ្គីភ័យកូរ៉េខាងត្បូងបញ្ជាក់ថា មនុស្សប្រហែល ៥០០ នាក់ត្រូវបានជម្លៀសចេញនៅថ្ងៃសុក្រទី ២០ ខែមករា បន្ទាប់ពីអគ្គីភ័យបានឆាបឆេះនៅក្នុងទីប្រជុំជនអនាធិបតេយ្យដ៏ស្ងប់ស្ងាត់មួយក្នុងរដ្ឋធានីសេអ៊ូលរបស់កូរ៉េខាងត្បូង។
អគ្គីភ័យបានឆាបឆេះនៅវេលាម៉ោង ៦:២៧ នាទីព្រឹកនៅក្នុងភូមិ Guryong ភាគខាងត្បូងទីក្រុងសេអ៊ូល ដែលមានផ្ទះរបស់ប្រជាពលរដ្ឋជាង ៦៦០ ខ្នង។ មន្ត្រីពន្លត់អគ្គីភ័យ បានឱ្យដឹងថា ផ្ទះប្រហែល ៤០ ខ្នងនៅក្នុងតំបន់ទំហំ ១៧០០ ម៉ែត្រការ៉េត្រូវបានបំផ្លាញ។ ក្នុងនោះដែរមានអ្នកពន្លត់អគ្គីភ័យប្រហែល ២៩០ នាក់ ឧទ្ធម្ភាគចក្រចំនួន ១០ គ្រឿង និងមន្រ្តីប៉ូលីសជាច្រើនរូប ត្រូវបានបញ្ជូនទៅដើម្បីទប់ស្កាត់ការឆាបឆេះនេះ។ មិនមានអ្នករងរបួសត្រូវបានគេរាយការណ៍ទេ។
គួរបញ្ជាក់ថា តំបន់អនាធិបតេយ្យនេះងាយនឹងកើតមានភ្លើងឆេះ ទឹកជំនន់ និងគ្រោះមហន្តរាយផ្សេងៗទៀត ដោយផ្ទះជាច្រើនត្រូវបានសាងសង់ដោយប្រើក្រដាសកាតុងធ្វើកេស និងឈើ ហើយអ្នកស្រុកប្រឈមនឹងបញ្ហាសុវត្ថិភាព និងសុខភាព។ ផែនការសម្រាប់ការអភិវឌ្ឍឡើងវិញ និងការផ្លាស់ទីលំនៅមានការរីកចម្រើនតិចតួច ចំពេលមានជម្លោះក្នុងការការអភិវឌ្ឍតំបន់នេះដែលបានអូសបន្លាយជាច្រើនទសវត្សរ៍រវាងម្ចាស់ដី អ្នកស្រុក និងអាជ្ញាធរ៕
