អាហ្វ្រិកខាងត្បូង៖ ប្រព័ន្ធផ្សព្វផ្សាយក្នុងស្រុក និងបុគ្គលិកសង្គ្រោះបន្ទាន់បាននិយាយថា យ៉ាងហោច​ណាស់មនុស្ស ៥២នាក់ស្លាប់ និងជាង ៤០​នាក់ត្រូវរង​របួស​បន្ទាប់ពីមានអគ្គី​ភ័យមួយកើតឡើងនៅ​អគារ នាទីក្រុង Johannesburg ប្រទេសអាហ្វ្រិកខាងត្បូង។​នេះបើតាមការលើកឡើងរបស់​ប្រព័ន្ធផ្សព្វផ្សា​យក្នុងស្រុក និងបុគ្គលិកសង្គ្រោះបន្ទាន់រា​យការណ៍ដល់សារព័ត៌មានAljazeera នៅថ្ងៃទី៣១ ខែសីហា ឆ្នាំ២០២៣នេះ។

អ្នកនាំពាក្យសេវាគ្រប់គ្រងគ្រោះអាសន្នក្នុងទីក្រុង Johannesburg លោក Robert Mulaudzi បាននិយា​យ​ថា អគ្គិភ័យបានកើតឡើង​នៅព្រឹកថ្ងៃព្រហស្បតិ៍ ដោយ​បានឆាបឆេះអគារមួយកន្លែ​ងនៅកណ្តាលទីក្រុងតែម្តង វាយជាទីតាំងធ្វើពាណិជ្ជកម្មដ៏មមាញឹកមួយក្នុងក្រុងមួយនេះ ហើយចំនួន​អ្ន​កស្លា​ប់អាចនឹងកំពុងបន្តកើនឡើង ក្នុងនោះសាកសពចំនួន ៥២​នាក់ឥឡូវនេះបានរក​ឃើ​ញហើយនៅទីតាំង នោះផ្ទាល់តែម្តង។

អ្នកនាំពាក្យសេវាគ្រប់គ្រងគ្រោះអាសន្នក្នុងទីក្រុង Johannesburg បានលើកឡើង​ក្នុងការ​បង្ហោះនៅ​លើប្រព័ន្ធផ្សព្វផ្សាយសង្គមថា«ចុងក្រោ​យគេបានរកឃើញសាកសពចំនួន៥២ នាក់ ហើយអ្នករ​ងរបួស​ចំនួន៤៣ នាក់ ក្នុងនក្រុមការងារបានបន្តជាមួយនឹងការស្វែងរក និងការសង្គ្រោះបន្ថែមទៀត។

សូមបញ្ជាក់ថា មកដល់ពេលនេះ មូលហេតុនៃការឆេះនេះ មិនទាន់ដឹងនៅឡើយទេ នេះបើយោង​តាមគេហ​ទំព័រព័ត៌មានអនឡាញ News24 របស់អាហ្វ្រិកខាងត្បូង៕