ហ្វីលីពីន៖ រដ្ឋមន្ត្រីដឹកជញ្ជូនលោក Jaime Bautista បាននិយាយកាលពីថ្ងៃអង្គារក្នុងអំឡុងពេលកិច្ចពិភាក្សាព្រឹទ្ធសភាថា "តាមពិត យើងបានស៊ើបអង្កេតករណីចោរកម្មចំនួន៦០ នៅអាកាសយានដ្ឋាន ដែលពាក់ព័ន្ធនឹងបុគ្គលិកសន្តិសុខ" ។

សេចក្តីថ្លែងការណ៍របស់គាត់បានកើតឡើងបន្ទាប់ ពីមានការបង្កើនករណីចោរកម្មដែលពាក់ព័ន្ធនឹងមន្រ្តីសន្តិសុខនៅព្រលានយន្តហោះទូទាំងប្រទេសហ្វីលីពីន។ឧបទ្ទវហេតុចុងក្រោយនេះបានកើតឡើងកាលពីថ្ងៃទី ៨ ខែកញ្ញា ខណៈដែលមន្ត្រីសន្តិសុខស្រីនៅអាកាសយានដ្ឋានអន្តរជាតិ Ninoy Aquino ត្រូវបានចាប់បាននៅក្នុងវីដេអូ យកលុយចំនួន៣០០ ដុល្លារអាមេរិកដែលត្រូវបានលួចពីកាបូបរបស់អ្នកដំណើរជនជាតិចិន។

អ្នកទេសចរជនជាតិចិនបានប្រគល់កាបូបស្ពាយរបស់គាត់ទៅឱ្យនាង មុនពេលឆ្លងកាត់ម៉ាស៊ីនស្កេនសុវត្ថិភាព ប៉ុន្តែបន្ទាប់មកបានរកឃើញថាកាបូបរបស់គាត់ត្រូវបានបើក ហើយលុយរបស់គាត់បានបាត់។

ជាការឆ្លើយតបទៅនឹងការកើនឡើងនៃឧប្បត្តិហេតុនៃការលួចនៅអាកាសយានដ្ឋាន អាជ្ញាធរហ្វីលីពីនបានបញ្ជាឱ្យបុគ្គលិកឈប់ពាក់អាវ និងដកហោប៉ៅចេញពីឯកសណ្ឋានរបស់ពួកគេ៕