តួកគី៖ ប្រធានាធិបតីតួកគី លោកអ៊ែរដូហ្កាន ឈ្នះការបោះឆ្នោតប្រធានាធិបតីជុំទី២ទទួលបានសំឡេងគាំទ្រចំនួន ៥២,១៤%
ចំណែកអ្នកដែលទទួលបានសំឡេងច្រើនបន្ទាប់ គឺប្រធានគណបក្សប្រឆាំងលោកកេម៉ាល់ គីលីច្សដារ៉ូហ្គូដោយទទួលបានសំឡេងគាំទ្រចំនួន ៥២,១៤%។ នេះបើតាមការចេញផ្សាយដោយសារព័ត៌មានAljazeera នៅថ្ងៃទី២៩ ខែឧសភា ឆ្នាំ២០២៣។
លោក Erdogan បានបង្ហាញខ្លួននៅខាងក្រៅគេហដ្ឋានរបស់គាត់នៅ Uskudar នៃទីក្រុងអ៊ីស្តង់ប៊ុល ជាកន្លែងដែលគាត់បានច្រៀងចម្រៀងជាតិ មុនពេលអរគុណដល់ហ្វូងអ្នកគាំទ្រ។លោក Erdogan បាននិយាយថា "យើងបានបញ្ចប់ការបោះឆ្នោតប្រធានាធិបតីជុំទីពីរជាមួយនឹងការពេញចិត្តពីប្រជាជនរបស់យើង"។លោកបានបន្ថែមថា ពលរដ្ឋទាំង ៨៥ លាននាក់ក្នុងប្រទេសគឺជាអ្នកឈ្នះការបោះឆ្នោតពីរជុំនៅថ្ងៃទី ១៤ ខែឧសភា និងថ្ងៃទី ២៨ ខែឧសភា។
សូមបញ្ជាក់ថា ក្នុងរយៈពេល ១៥ថ្ងៃកន្លងទៅ បេក្ខជនអ៊ែរដូហ្កានវ័យ ៦៩ឆ្នាំ និងបេក្ខជនគីលីច្សដារ៉ូហ្គូវ័យ ៧៤ឆ្នាំបានប្រឹងប្រែងឃោសនា និងព្យាយាមចងសម្ព័ន្ធជាមួយគណបក្សផ្សេង ពិសេសទាញយកសំឡេងឆ្នោតពីគណបក្សផ្សេងដែលទទួលបានសំឡេងគាំទ្រតិចតួចនៅក្នុងការបោះឆ្នោតជុំទី១។ ជាក់ស្តែង លោកអ៊ែរដូហ្កានទទួលបានការគាំទ្រពីបេក្ខជនប្រធានគណបក្សជាតិនិយមជ្រុលលោក Sinan Ogan៕
