គំនិត និងការអប់រំ៖ ជាដំបូងយើងមកយល់ អំពីនិយមន័យនៃពាក្យថា តំបន់សុវត្ថិភាព ឬ Comfort Zone  នេះជាមុនសិន ព្រោះថាអ្នកប្រហែលជា បានជួបហើយ ព្រមទាំងកំពុងតែស្ថិតនៅជាមួយវា តែអ្នកមិនទាន់ស្គាល់ វានៅឡើយថាតើ តំបន់សុវត្ថិភាព ឬ Comfort Zone ជាអ្វី សូមបញ្ជាក់ថា តំបន់សុវត្ថិភាព ជាទីកន្លែងមួយដែលយើងចាត់ទុកថា ជាទីតាំងផ្ដល់សេចក្ដីសុខផ្លូវអារម្មណ៍ ដោយអ្នកមិនសូវចង់ដឹង ចង់ឮ ពីភាពតានតឹង ឬបញ្ហានោះទេ អ្នកមានអារម្មណ៍ថា មានសេចក្ដីសុខនៅពេលរស់នៅក្នុងបច្ចុប្បន្នភាពបែបនេះ។

អ្នកអាចដឹងម្យ៉ាងទៀត តាមរយៈអារម្មណា៍របស់អ្នក រាល់ពេលភ្ញាក់ឡើងអ្នកមិនរីករាយ មិនមានភាពពុះកញ្ជោលទៅលើការងារប្រចាំថ្ងៃរបស់អ្នក  គ្រប់យ៉ាងគឺធម្មតា គ្មានអ្វីថ្មី ជាមួយគ្នានោះ មិនមានអារម្មណ៍ថាមានការប្រកួតប្រជែង ហើយអ្នកខ្លាចការផ្លាស់ប្តូរខ្លាំងបំផុត។ 

តើធ្វើដូចម្តេចទើបអាចចាកចេញពីតំបន់សុវត្ថិភាព ឬ Comfort Zone  បាន?

ជាក់ស្តែង អារម្មណ៍សុវត្ថិភាពរបស់អ្នកបានកើតឡើងហើយ វាពិតជាលំបាកណាស់ក្នុងការផ្លាស់ប្តូរអ្វីដែរថ្មី ព្រោះអ្នកខ្លាចខុស ខ្លាចត្រូវមានបញ្ហាជាដើម តែគ្រប់យ៉ាងត្រូវការការចាប់ផ្តើម និងជំហានដំបូងជានិច្ច ក្នុងនោះអ្នកត្រូវស្វែងយល់អំពីខ្លួនឯងជាមុនសិន ដោយអ្នកត្រូវតែស្គាល់អំពីសក្តានុពលរបស់អ្នក តើអ្នកមានភាពខ្លាំងអ្វី ពូកែអ្វី ហើយចង់ឃើញខ្លួនឯងបែបណា ?

រឿងនេះកើតឡើងដោយសារតែយើងអភិវឌ្ឍជំនាញផ្សេងៗគ្នាតាមការខិតខំរបស់យើងក្នុងជីវិត។ ដូច្នេះត្រូវត្រៀមខ្លួនសម្រាប់ការផ្លាស់ប្តូរថេរនៅក្នុងដំណើររបស់អ្នក។

 ទន្ទឹមនឹងនេះ អ្នកត្រូវចេះបត់បែនស្គាល់ខ្លួនឯងហើយត្រៀមខ្លួនដើម្បីប្រឈមមុខនឹងស្ថានភាពដែលមិននឹកស្មានដល់។ ដូច្នេះកុំមានប្រតិកម្មខ្លាំងពេក ព្យាយាមសម្របខ្លួនទៅនឹងសេណារីយ៉ូដែលកើតឡើងលើសពីនេះព្យាយាមរៀនពីស្ថានភាពថ្មីដែលកើតឡើង។

សិក្សារៀនសូត្រឱ្យបានច្រើន វិនិយោគលើចំណេះដឹងដែលអាចបន្ថែមតម្លៃដល់ជីវិតអាជីពរបស់អ្នកប៉ុន្តែកុំភ្លេចធ្វើអ្វីដែលអ្នកចាប់អារម្មណ៍។

 ដោយដើរតាមផ្លូវទាំងពីរអ្នកនឹងអាចក្លាយជាបុគ្គលពេញលេញ  ហើយអ្វីដែលសំខាន់មិនអាចខ្វះបាននោះ គឺលុបបំបាត់ការភ័យខ្លាចនិងកង្វល់របស់អ្នកការភ័យខ្លាច ពិតណាស់ភ័យខ្លាច ជាធម្មជាតិរបស់មនុស្ស ទោះជាយ៉ាងណាក៏ដោយការភ័យខ្លាចហួសហេតុគឺបង្កគ្រោះថ្នាក់ដល់ការអភិវឌ្ឍផ្ទាល់ខ្លួនរបស់អ្នកព្រោះវាធ្វើឱ្យមានទំនាក់ទំនងនិងទទួលបានបទពិសោធន៍ថ្មីៗនៅក្នុងជីវិតប្រចាំថ្ងៃរបស់អ្នក៕