(អ៊ីតាលី)៖  មនុស្ស៥នាក់បានស្លាប់ ក្រោយពីឧទ្ធម្ភាគចក្រមួយគ្រឿងហោះបុកភ្នំ ក្នុងប្រទេសអ៉ីតាលី ខណៈដែលអ្នកដំណើរ ២នាក់បានបាត់ខ្លួនអស់រយៈពេលពីរថ្ងៃមកហើយ។ នេះបើយោង​តាម​ការចុះផ្សា​​យដោយទីភ្នាក់ងារសារព័ត៌មាន Reuters នៅថ្ងៃសៅរ៍ ទី១១ ខែមិថុនា ឆ្នាំ២០២២។

លោក Eugenio Giani អភិបាលតំបន់ ទូសខានី បានឱ្យដឹងថា ឧទ្ធម្ភាគចក្រមួយគ្រឿង បានធ្លាក់​បន្ទា​ប់ពី​បុកភ្នំមួយ ស្ថិតក្នុងព្រំប្រទល់នៃតំបន់ Tuscany និងEmilia Romagna ហើយសព​មនុស្សចំនួន ៥នាក់ ត្រូវបានរកឃើញនៅថ្ងៃសៅរ៍នេះ។

ឧទ្ធម្ភាគចក្រនេះ បានហោះហើរកាលពីថ្ងៃព្រហស្បតិ៍សប្តាហ៍នេះ ពីទីក្រុងលូកា (Lucca) ឆ្ពោះទៅកាន់​ភាគខា​ងជើងទីក្រុងត្រេវីសូ  ក្រោយមកក៏បានបាត់ចេញពីប្រព័ន្ធទំនាក់ទំនង ដោយ​សារតែ​អាកា​សធាតុអា​ក្រក់វាយប្រហារតំបន់ព្រៃភ្នំ។

គួរបញ្ជាក់ថា នៅលើឧទ្ធម្ភាគចក្រនេះ មានមនុស្សចំនួន៧នាក់ ដែលក្នុងនោះរួមមានពីឡុត និងក្រុម​ពាណិ​ជ្ជករតួគី ចំនួន៤នាក់ ដែលធ្វើដំណើរទៅចូលរួមក្នុងពិព័ណ៌បច្ចេកវិទ្យា នៅប្រទេសអ៉ីតា​លី ខណៈ​ដែលអ្នកដំណើរ២នាក់ទៀតជាជនជាតិលីបង់៕