(ឥណ្ឌូនេស៊ី)៖ គណៈកម្មាធិការកញ្ចប់ថវិកានៃសភាឥណ្ឌូណេស៊ី បានអនុម័តថវិកាបន្ថែមចំ​នួន១៥​ទ្រី​លានរូពីទៀត ឬស្មើនឹង១.០១ពាន់លានដុល្លារអាមេរិក ដើម្បីពន្លឿនដំណើរការសាងសង់រដ្ឋធានីថ្មី នូសាន់តារ៉ា ។ នេះបើតាមការចេញផ្សាយដោយ ទីភ្នាក់ងារព័ត៌មានBBC នៅថ្ងៃទី១០ ខែមិថុនា ឆ្នាំ២០២៣។

លោក Said Abdullah ប្រធានគណៈកម្មាធិការសភា បាននិយាយថា ថវិកា១៥ទ្រីលាននោះ​នឹងត្រូ​វប្រើ​ប្រាស់ ​សម្រាប់ការងារសាងសង់ក្នុងឆ្នាំ២០២៣នេះ បន្ថែមពីលើថវិកា២២ទ្រីលានរូពី (១.​៥លា​នដុល្លា​​រអាមេរិក) ដែលត្រូវបានអនុម័តនាពេលកន្លងមក សម្រាប់​ការអភិវឌ្ឍរដ្ឋធានី នូសាន់តារ៉ា ដែលមា​នទីតាំងស្ថិតនៅលើកោះ Borneo។ ទីក្រុងហ្សាការតា ដែលជារដ្ឋធានីបច្ចុប្បន្នរបស់ប្រទេ​សឥណ្ឌូណេស៉ី ស្ថិតនៅលើកោះជ្វា។

គួរបញ្ជាក់ថា ឥណ្ឌូណេស៉ី កំពុងព្យាយាមជំរុញឱ្យការសាងសង់អាចចប់ជាស្ថាពរ នៅត្រឹមពាក់កណ្តា​លឆ្នាំ២០២៤ សម្រាប់អគារថ្មីៗរបស់រដ្ឋាភិបាល ដែលរួមមានទាំងវិមានប្រធានាធិបតី និងអគា​រក្រសួង​សំខាន់ៗ ស្របពេលដែលអ្នកបម្រើការងាររដ្ឋ ទាហាន និងប៉ូលិសសរុបយ៉ា​ងតិ​ច១៦,០០០នាក់ នឹងត្រូវ​ផ្លាស់ទៅកាន់រដ្ឋធានីថ្មី នៅឆ្នាំក្រោយ៕