គន្លឹះខ្លះៗ សម្រាប់សិស្សានុសិស្សត្រៀម ប្រឡងសញ្ញាបត្រមធ្យមសិក្សាទុតិយភូមិ ឬបាក់ឌុបនៅពេលខាងមុខ
គំនិត និងការអប់រំ ៖ កាន់តែកៀកការ ប្រឡងសញ្ញាបត្រមធ្យមសិក្សាទុតិយភូមិ ឬបាក់ឌុបនៅសិស្សានុសិស្សជាច្រើនកំពុងមានការព្រួយបារម្ភ និងមិនដឹងថា គួរត្រៀមខ្លួនបែបណាសម្រាប់ការប្រឡង ដែលជិតចូលមកដល់នោះទេ ។ ឆ្លងការតាមការលើកឡើងរបស់ សិស្សដែលទទួលបាននិទេ្ទសល្អនិងមានបទពិសោន៍បានណែនាំនូវចំណុចគន្លឹះមួយចំនួនដើម្បីឱ្យការប្រឡងទៅបានរលូន និងទទួលបានជោគជ័យ។
គន្លឹះទាំងនោះមានដូចជា៖
១-កុំមើលមេរៀនមុនថ្ងៃប្រឡង សិស្សានុសិស្សគួរមើលមេរៀន ដែលមាននៅក្នុងសៀវភៅពុម្ពរបស់ក្រសួងអប់រំព្រោះថាមេរៀនដែលចេញប្រលង គឺមិនផុតពីសៀវភៅពុម្ពនេះឡើយ ដោយកុំពឹងផ្អែកលើសៀវភៅកំណែ ហើយអ្វីដែលមិនអាចចោលបាន នោះគឺសៀវភៅមេរៀនសង្ខេប ដែលយើងបានរៀននឹងកត់ត្រាទុក។
២-ត្រូវចេះសរសេរយកពិន្ទុ សិស្សានុសិស្សត្រូវ ពិនិត្យមើលទៅលើប្រភេទនៃលំហាត់ ឬសំនួរ សំនួរខ្លះ ត្រូវឆ្លើយជាសំនួរបិទ ចំណែកសំនួរខ្លះត្រូវសរសេររៀបរាប់បែបកថាខណ្ឌ ហើយសំនួរខ្លះទៀត ត្រូវសរសេររៀបរាប់ជាលក្ខណៈ ចំណុចៗខ្លី ងាយយល់ និងងាយពិនិត្យ។
៣-ប្រការដែលសំខាន់បំផុតនោះ គឺសុខភាព សិស្សានុសិស្សត្រូវ ថែទាំសុខភាពឱ្យបានល្អ រឹងមាំ ដោយកុំមើលមេរៀនដល់យប់ជ្រៅពេកដែលធ្វើឱ្យអស់កម្លាំង និងអត់ងងុយដេកត្រូវរៀបចំឯកសារ ឱ្យរៀបរយ ជាពិសេសត្រូវដឹងអំពីកាលវិភាគនៃការប្រឡង។
៥-ពេលកំពុងប្រឡង សិស្សានុសិស្សត្រូវ ធ្វើលំហាត់ណាដែលចេះមុន ដោយមិនបាច់តាមលំដាប់ឡើយក្នុងនោះត្រូវ ពិនិត្យឱ្យច្បាស់មុននឹងបញ្ចប់សន្លឹកកិច្ចការ ហើយដាក់ក្រដាស់វិញ្ញាសារជូនអនុរក្ស។
៦ ការគ្រប់គ្រងពេលវេលា សិស្សានុសិស្ស ប្រឡងសញ្ញាបត្រមធ្យមសិក្សាទុតិយភូមិ ចាំបាច់គួរតែមាន នាឡិកាដៃពាក់នៅពេលប្រលង ដើម្បីដឹងអំពីពេលវេលានៃការចែកវិញ្ញាសារ ពេលឆ្លើយសំនួរឬធ្វើលំហាត់នីមួយ ប្រសិនបើគ្រប់គ្រងម៉ោងមិនបានល្អនោះទេ ពេលនោះអារម្មណ៍ ប្រាកដជា ពិបាកគ្រប់គ្រងការសរសេរនិង ធ្វើលំហាត់លែងកើតជាក់ជាមិនខាន៕
