អ៊ីស្រាអែល ៖ យោធាអ៊ីស្រាអែល បានឱ្យដឹងថា ខ្លួនបានសម្លាប់មេបញ្ជាការម្នាក់នៃក្រុមហាម៉ាស ដែលបានចូលរួមក្នុងការវាយប្រហារលើអ៉ីស្រាអែល កាលពីថ្ងៃទី៧ ខែតុលា ឆ្នាំមុន ហើយ។នេះបើយោងតាមការចេញផ្សាយដោយទីភ្នាក់ងារសារព័ត៌មាន Reuters នៅថ្ងៃសុក្រ ទី២៥ ខែតុលា ឆ្នាំ ២០២៤។

មេបញ្ជាការម្នាក់នៃក្រុមហាម៉ាស នេះក៏ជាអ្នកធ្វើការឱ្យ UNRWA ដែលជាទីភ្នាក់ងារជួយសង្រ្គោះ និងការងាររបស់អង្គការសហប្រជាជាតិ សម្រាប់ប៉ាឡេស្ទីន នៅក្នុងតំបន់ហ្កាហ្សាផងដែរ។ 

មេបញ្ជាការម្នាក់នៃក្រុមហាម៉ាស មានឈ្មោះថា លោក Mohammad Abu Itiwi ត្រូវបានសម្លាប់ កាលពីថ្ងៃពុធ។ លោកជាមេបញ្ជាការក្រុមហាម៉ាស់ ហើយបានចូលរួមក្នុងការសម្លាប់ និងការចាប់ពង្រត់ជនស៉ីវិលអ៉ីស្រាអែល។ លោកក៏ត្រូវបាន UNRWA ជួលឱ្យធ្វើការ ចាប់តាំងពីខែកក្កដា ឆ្នាំ ២០២២មក ហើយឈ្មោះបុគ្គលរូបនេះ មាននៅក្នុងបញ្ជីបុគ្គលិក។

គួរបញ្ជាក់ថា UNRWA បាននិងកំពុងផ្តល់ការអប់រំ សុខភាព និងជំនួយដល់ប្រជាជនប៉ាឡេស្ទីនរាប់លាននាក់ នៅតំបន់ហ្កាហ្សា West Bank នៅប្រទេសក្នុងហ៊្សកដានី លីបង់ និងស៉ីរី។ ទីភ្នាក់ងារនេះ មានទំនាក់ទំនងមិនសូវល្អជាមួយអ៉ីស្រាអែលយូរមកហើយ ហើយកាន់តែយ៉ាប់យ៉ឺនថែមទៀត ចាប់តាំងពីផ្ទុះសង្រ្គាមហ្កាហ្សា៕