អាមេរិក៖ លោក ដូណាល់ ត្រាំ ត្រូវបានប្រកាសតែងតាំង ជាបេក្ខជនប្រធានាធិបតីរបស់ខ្លួនជាផ្លូវការដោយ គណបក្សសាធារណរដ្ឋ កាលពីថ្ងៃចន្ទ ទី១៥ ខែកក្កដា ដើម្បីប្រកួតប្រជែងជាមួយលោក ចូ បៃដិន ក្នុងការបោះឆ្នោតប្រធានាធិបតីអាមេរិកនៅថ្ងៃទី៥ ខែវិច្ឆិកាខាងមុខ។ នេះបើ តាមការចេញផ្សាយដោយទីភ្នាក់ងារសារព័ត៌មាន AFP។

ការប្រកាសតែងតាំងលោក ដូណាល់ ត្រាំ ជាបេក្ខជនប្រធានាធិបតីធ្វើឡើងនៅឯសមាជជាតិរបស់គណបក្សសាធារណរដ្ឋដែលកំពុងប្រព្រឹត្តទៅក្នុងទីក្រុង Milwaukee រដ្ឋ Wisconsin ចាប់ពីថ្ងៃទី១៥ ដល់ថ្ងៃទី១៨ ខែកក្កដា។ 

ហើយការតែងតាំងនេះទៀតសោត មិនមែនជារឿងគួរឱ្យភ្ញាក់ផ្អើលអ្វីនោះទេ ពីព្រោះប្រតិភូរបស់ បក្សសាធារណរដ្ឋភាគច្រើនលើសលុបបានសន្យាគាំទ្រលោក ត្រាំ រួចជាស្រេចទៅហើយ បន្ទាប់ពីលោកបានឈ្នះក្នុងការបោះឆ្នោតបឋម៕