វៀតណាម៖ រដ្ឋសភាវៀតណាមបានធ្វើការបោះឆ្នោតជ្រើសរើសលោក Vo Van Thuong ជាប្រធានាធិបតីថ្មី របស់ប្រទេសនេះ ក្នុងការរុះរើថ្នាក់ដឹកនាំកំពូលរបស់ប្រទេស ចំពេលមានយុទ្ធនាការប្រឆាំងអំពើ ពុករលួយដ៏ខ្លាំងក្លាមួយ។ នៅក្នុងសម័យប្រជុំវិសាមញ្ញ សមាជិកសភា បានបញ្ជាក់ពីតំណែងរបស់លោក Thuong អាយុ ៥២ ឆ្នាំ បន្ទាប់ពីបក្សកុម្មុយនិស្តកំពុងកាន់អំណាចបានតែងតាំងលោក ជាប្រធានាធិបតី ជាមុខតំណែ នយោបាយកំពូលទាំងបួននៅក្នុងប្រទេសអាស៊ីអាគ្នេយ៍មួយនេះ។
ការបោះឆ្នោតរើសលោក Thuong បន្ទាប់ពីការលាលែងពីតំណែងភ្លាមៗនៅក្នុងខែមករា របស់អ្នកកាន់ តំណែងមុន លោក Nguyen Xuan Phuc ដែលគណបក្សនេះបានស្តីបន្ទោសចំពោះ «ការបំពាន និងការធ្វើខុស» ដោយមន្ត្រីក្រោមការគ្រប់គ្រងរបស់លោក នៅក្នុងអ្វីដែលត្រូវបានគេមើលឃើញថា ជាការកើនឡើងដ៏សំខាន់នៃការបង្ក្រាបការប្រឆាំងអំពើពុករលួយរបស់ប្រទេសនេះ។
លោក Thuong បាននិយាយនៅក្នុងសេចក្តីថ្លែងការណ៍មួយ ដែលផ្សាយតាមទូរទស្សន៍រដ្ឋវៀតណាមថា ខ្ញុំនឹងស្មោះត្រង់ដាច់ខាតចំពោះជាតិមាតុភូមិ ប្រជាជន និងរដ្ឋធម្មនុញ្ញ ដោយខិតខំបំពេញភារកិច្ចដែល បានប្រគល់ជូនដោយបក្ស រដ្ឋ និងប្រជាជន។
ក្នុងនោះផងដែរ អ្នកការទូត និងអ្នកជំនួញបានលើកឡើងពីការព្រួយបារម្ភអំពីយុទ្ធនាការប្រឆាំងអំពើពុករលួយ ដោយ សារតែវាបានធ្វើឱ្យប្រតិបត្តិការធម្មតាជាច្រើនជាប់គាំង នៅក្នុងប្រទេសវៀតណាម ខណៈដែលមន្ត្រី មានការភ័យខ្លាចថានឹងត្រូវជាប់ពាក់ព័ន្ធក្នុងការបង្រ្កាប៕
