អាមេរិក៖ ទាហានម៉ារីនអាមេរិក៣នាក់បានស្លាប់ និងជាច្រើននាក់ទៀតបានរងរបួសយ៉ាងធ្ងន់ធ្ងរ បន្ទាប់ពីយន្តហោះ Osprey បានធ្លាក់អំឡុងពេលធ្វើសមយុទ្ធយោធានៅប្រទេសអូស្ត្រាលី។​នេះបើតាមការចេញផ្សាយដោយសារព័ត៌មានCNNនៅថ្ងៃទី២៨ ខែសីហា ឆ្នាំ២០២៣។

កងកម្លាំងបង្វិលកងម៉ារីន ឈ្មោះDarwin បាននិយាយនៅក្នុងសេចក្តីថ្លែងការណ៍មួ​យកាលពីថ្ងៃ​អាទិត្យថា ក្នុងចំណោមទាហានម៉ារីន២៣ នាក់នៅលើយន្តហោះ MV-22B Osprey មាន 3 នាក់​បានស្លាប់ និង៥ នាក់ទៀតត្រូវបានបញ្ជូនទៅមន្ទីរពេទ្យ Royal Darwin ក្នុងស្ថានភាពធ្ងន់ធ្ងរ។

ហេតុការណ៍នេះបានកើតឡើង​នៅលើកោះ Melville នៅវេលាម៉ោង៩ និង៣០នាទីព្រឹក ម៉ោ​ងក្នុងស្រុក។សេចក្តីថ្លែងការណ៍ដដែលបានលើកឡើងថា​ពេលនេះមន្ត្រីជំនាញ កិច្ចខិតខំប្រឹងប្រែ​ងស្តារ​ឡើងវិញ​ហើ​យនឹងស្វែងរក “មូលហេតុនៃឧប្បត្តិហេតុកំពុងស្ថិតក្រោមការស៊ើបអង្កេត”។

រដ្ឋមន្ត្រីការពារជាតិអាមេរិក លោក Lloyd Austin បានចូលរួមរំលែកទុក្ខដល់ក្រុមគ្រួសារនៃអ្នកស្លាប់ និងរបួស។លោកបន្តថា "ទាហានម៉ារីនទាំងនេះបានបម្រើប្រទេសរបស់យើងដោយភាពក្លាហាន និងមោទភាពការលើកឡើងនេះនៅលើបណ្តាញសង្គមTwitterរបស់លោកផ្ទាល់ ៕