អាមេរិក៖ មន្ត្រីសុខាភិបាលសាធារណៈរបស់សហរដ្ឋអាមេរិកបានប្រកាសថា ការរីករាលដាលនៃជម្ងឺអុតស្វា ស្ថិតក្នុងពេលប្រកាសអាសន្នសុខភាពសាធារណៈ ហើយក្រសួងនឹងធ្វើការណែនាំបន្ថែម ទៀតដើម្បីជួយទប់ស្កាត់ការរីករាលដាលនៃមេរោគ។
គិតត្រឹមថ្ងៃទី ៣ខែសីហា ករណីជំងឺច្រើនជាង ៦,៦00 ត្រូវបានបញ្ជាក់នៅក្នុងសហរដ្ឋអាមេរិក នេះបើយោងតាមមជ្ឈមណ្ឌលគ្រប់គ្រង និងការពារជំងឺ (CDC) ។
ជំងឺនេះអាចបណ្តាលឱ្យមានរោគសញ្ញាដូចជា គ្រុនក្តៅ ឈឺក្បាល ឈឺ ញាក់ និងកន្ទួលដែលអាចរមាស់ និងឈឺចាប់ ប៉ុន្តែកម្រនឹងស្លាប់ណាស់។ មិនទាន់មានរបាយការណ៍ថាមានអ្នកស្លាប់នៅសហរដ្ឋអាមេរិកទេ។គេហទំព័រ CDC បាននិយាយថា "ជំងឺអុតស្វាអាចរីករាលដាលចាប់ពីពេលដែលរោគសញ្ញាចាប់ផ្តើមរហូតដល់កន្ទួលបានជាសះស្បើយ ស្នាមទាំងអស់បានបាត់ហើយស្រទាប់ស្បែកថ្មីបានបង្កើតឡើង" "ជំងឺជាធម្មតាមានរយៈពេល 2-4 សប្តាហ៍" ។
នៅទូទាំងសហរដ្ឋអាមេរិក រដ្ឋ និងក្រុងមួយចំនួនបានប្រកាសអាសន្នសុខភាពសាធារណៈរួចហើយ។ រដ្ឋកាលីហ្វ័រញ៉ាដែលមានករណីដែលត្រូវបានបញ្ជាក់ចំនួន ៨២៦ បានប្រកាសដាក់ប្រទេសក្នុងភាពអាសន្ននៅថ្ងៃទី ១ខែសីហា ហើយរដ្ឋញូវយ៉កដែលមានករណីបញ្ជាក់ចំនួន ១,៦៦៦ បានធ្វើកើតសេចក្តីប្រកាសស្រដៀងគ្នានៅថ្ងៃទី 29 ខែកក្កដា៕SP
