ឥណ្ឌា៖ អាជ្ញាធរឥណ្ឌាបានរាយការណ៍ពីករណីស្លាប់ដោយជំងឺអុតស្វាដំបូងគេនៅអាស៊ី បន្ទាប់ពីការ​ស្លាប់របស់បុរសម្នាក់ ដែលទើបត្រឡប់មកពីប្រទេសអារ៉ាប់រួមធ្វើតេស្តវិជ្ជមាន។ នេះបើយោងតាម ការចេញផ្សាយដោយ សារព័ត៌មានRT នៅថ្ងៃទី០១ ខែសីហា ឆ្នាំ២០២២។

ក្រសួងសុខាភិបាល នៃរដ្ឋ Kerala ប្រទេសឥណ្ឌាបាននិយាយថា ការធ្វើតេស្តលើបុរសអាយុ ២២ឆ្នាំបានបង្ហាញថា បុរសនោះមានជំងឺអុតស្វា។ ទោះជាយ៉ាងនេះក្តី គេមិនទាន់ដឹងច្បាស់ថា តើបុរសនោះស្លាប់ដោយសារជំងឺនេះ ឬយ៉ាងណានោះទេ។

 សូមបញ្ជាក់ថា បុរសជនជាតិឥណ្ឌាម្នាក់នេះបានស្លាប់នៅក្នុងរដ្ឋ Kerala កាលពីថ្ងៃទី ៣០ ខែកក្កដាប្រហែលមួយសប្តាហ៍ បន្ទាប់ពីត្រឡប់មកពីប្រទេសអារ៉ាប់រួម ហើយត្រូវបានគេបញ្ជូន​ទៅមន្ទីរពេទ្យ។

គួរបញ្ជាក់ថា រហូតមកដល់ពេលនេះ អ្នកស្លាប់ដែលទាក់ទងនឹងជំងឺអុតស្វាមានចំនួន ០៣នាក់ត្រូវបានរាយការណ៍នៅក្រៅទ្វីបអាហ្រ្វិក ក្នុងការផ្ទុះឡើងដែលអង្គការសុខភាពពិភពលោក បានប្រកាសភាពអាសន្នសុខភាពសកល៕