អ៊ុយក្រែន៖ ប្រធានាធិបតីអ៊ុយក្រែន លោក Volodymyr Zelenskky បាននិយាយថា អ្នកការទូតកំពូលរបស់សហរដ្ឋអាមេរិក និងប្រមុខការពារជាតិរបស់ខ្លួន គ្រោងនឹងធ្វើទស្សនកិច្ចលើកដំបូងមកកាន់ទីក្រុង Kyiv ចាប់តាំងពីការឈ្លានពានរបស់រុស្ស៊ីកាលពីពីរខែមុន  ខណៈដែលការប្រយុទ្ធដ៏ខ្លាំងក្លាបានកើតឡើងនៅភាគខាងត្បូង និងភាគខាងកើតនៃប្រទេស។នេះបើតាមការចេញផ្សាយ នៅថ្ងៃទី២៥ ខែមេសា ឆ្នាំ២០២២។

លោក Zelenskyy បាននិយាយថា ក្នុងអំឡុងដំណើរទស្សននៅថ្ងៃអាទិត្យរដ្ឋមន្ត្រីការបរទេសអាមេរិក លោក Antony Blinken និងរដ្ឋមន្ត្រីការពារជាតិ Lloyd Austin នឹងពិភាក្សាអំពីប្រភេទសព្វាវុធដែលអ៊ុយក្រែនត្រូវការ។

ក្នុងដំណើរដែលបានរាយការណ៍របស់ Blinken និង Austin ធ្វើឡើងបន្ទាប់ពីដំណើរទស្សនកិច្ចជាបន្តបន្ទាប់ទៅកាន់ទីក្រុង Kyiv របស់មេដឹកនាំអឺរ៉ុប ហើយកើតឡើងនៅពេលដែលកងកម្លាំងរុស្ស៊ីបង្ហាញសញ្ញានៃការបន្ធូរបន្ថយការវាយប្រហាររបស់ពួកគេ។ នេះរាប់បញ្ចូលទាំងការវាយប្រហារដោយមីស៊ីលទៅលើទីក្រុង Odesa ភាគខាងត្បូង ដែលអ៊ុយក្រែនបាននិយាយថា បានសម្លាប់មនុស្សប្រាំបីនាក់ រួមទាំងទារកម្នាក់ផងដែរ។

សូមបញ្ជាក់ថាចំនួនអ្នកស្លាប់ដោយសារការវាយប្រហារកាលពីថ្ងៃសៅរ៍ មិនអាចផ្ទៀងផ្ទាត់ដោយឯករាជ្យបានទេហើយ ការវាយប្រហារដ៏ធំចុងក្រោយនៅលើ ឬនៅជិត Odesa គឺនៅដើមខែមេសា៕SP