អាមេរិក៖ ក្រុមហ៊ុនទូទាត់ប្រាក់តាមអ៊ីនធើណេត PayPal Holdings Inc បានប្រកាសថានឹងបញ្ឈប់ការប្រើប្រាស់នៅក្នុងប្រទេសរុស្ស៊ី ខណៈថ្មីៗនេះមានបណ្តាក្រុមហ៊ុនបច្ចេកវិទ្យាធំៗជាច្រើនបានធ្វើការរាំងខ្ទប់បណ្តាញប្រើប្រាស់នៅក្នុងប្រទេសរុស្ស៊ី ។នេះបើតាមការចេញផ្សាយដោយសារព័ត៌មាន Reuters ។
ក្រុមហ៊ុន PayPal បានរាំងខ្ទប់បណ្តាញប្រើប្រាស់នៅ ក្នុងប្រទេសរុស្ស៊ី បន្ទាប់ពីការដាក់ទណ្ឌកម្មដោយសហរដ្ឋអាមេរិក និងបណ្តាប្រទេសផ្សេងៗទៀតក្នុងការឆ្លើយតបទៅនឹងឈ្លានពានរបស់ប្រទេសរុស្ស៊ីទៅលើអ៊ុយក្រែន។
សូមបញ្ជាក់ថា បច្ចុប្បន្នគឺមានបណ្តាក្រុមហ៊ុនទូទាត់ប្រាក់ដែលមានមូលដ្ឋាននៅសហរដ្ឋអាមេរិកដូចជា Visa Inc, Mastercard Inc និង American Express Co រួមជាមួយក្រុមហ៊ុនដែលផ្តល់ការទូទាត់តាមរយៈស្មាតហ្វូន Apple Pay និង Google Pay ដែលបានធ្វើការបិទស្ថាប័នហិរញ្ញវត្ថុរុស្ស៊ីជាច្រើនដោយសារតែការដាក់ទណ្ឌកម្មទៅលើរដ្ឋាភិបាលរុស្ស៊ី៕SP
