ប្រទេសអារ៉ាប៊ីសាអូឌីតបើកឱកាសឡើងវិញសម្រាប់ពលករថៃ ខណៈខ្លួនកំពុងខ្វះពលករជំនាញក្នុងវិស័យសេវាកម្ម សណ្ឋាគារ និងសុខភាព
ប្រទេសថៃ ៖ អ្នកនាំពាក្យរងរដ្ឋាភិបាល គឺលោកស្រី Ratchada Dhnadirek បាននិយាយថា ដំណើរទ ស្សនកិច្ចផ្លូវការ របស់នាយករដ្ឋមន្ត្រី ប្រាយុទ្ធ ចាន់អូចា បានធ្វើឱ្យប្រទេសអារ៉ាប៊ីសាអូឌីតបើកឱកាសឡើងវិញ សម្រាប់ពលករថៃទៅបំរើការងារ។នេះបើតាមការចេញផ្សាយដោយសារព័ត៌មាន Bangkok postនៅថ្ងៃទី២៦ ខែមករា ឆ្នាំ២០២២។
អ្នកនាំពាក្យរងរដ្ឋាភិបាល បានឱ្យដឹងទៀតថា លោក Ahmad bin Sulaiman Alrajhi រដ្ឋមន្ត្រីក្រសួងធនធានមនុស្ស និងអភិវឌ្ឍន៍សង្គមអារ៉ាប៊ីសាអូឌីត រាជទាយាទអារ៉ាប៊ីសាអូឌីត Mohammed bin Salman បានបញ្ជាឱ្យក្រសួងធនធានមនុស្ស និងអភិវឌ្ឍន៍សង្គម ស្វែងរកកម្មករជំនាញ ដោយកំណត់គោលដៅចំនួន ៨លាននាក់។
ក្នុងនោះ អារ៉ាប៊ីសាអូឌីតចង់ឱ្យកិច្ចសហប្រតិបត្តិការជាមួយប្រទេសថៃចាប់ផ្តើមឱ្យបានឆាប់តាមដែលអាចធ្វើបាន ជាពិសេសស្វែងរកកម្មករជំនាញក្នុងឧស្សាហកម្មសេវាកម្ម សណ្ឋាគារ និងសុខភាព និងការសាងសង់គម្រោងធំ ដែលប្រទេសថៃមានសក្តានុពលក្នុងការផ្តល់។
លោករដ្ឋមន្ត្រីបន្តថា អារ៉ាប៊ីសាអូឌីត បានដំណើរការកម្មវិធីកិច្ចសន្យាអេឡិចត្រូនិច សំដៅរក្សាសិទ្ធិកម្មករ និងកាត់បន្ថយជម្លោះរវាងនិយោជិត និងនិយោជក។ អារ៉ាប៊ីសាអូឌីតក៏មានកម្មវិធីផ្តួចផ្តើមចលនា ព លកម្មដើម្បីផ្តល់ឱ្យកម្មករនូវសេរីភាពក្នុងការធ្វើចលនា និងបង្កើតភាពបត់បែន ប្រសិទ្ធភាព និងការប្រ កួតប្រជែងនៅក្នុងទីផ្សារការងារ។
រដ្ឋមន្ត្រីក្រសួងការងារថៃ លោក Suchart Chomklin បានថ្លែងអំណរគុណដល់អារ៉ាប៊ីសាអូឌីតព្រមទាំង ពន្លឿនកិច្ចសហប្រតិបត្តិការ ខណៈដែលអារ៉ាប៊ីសាអូឌីតមានគម្រោងសាងសង់ និងអភិវឌ្ឍន៍ជាច្រើនដែលត្រូវការកម្មករ៕SP
