ប្រទេសឥណ្ឌូនេស៊ី៖ ប្រទេសឥណ្ឌូនេស៊ីនិងសិង្ហបុរី បានចុះហត្ថលេខាកាលពីថ្ងៃអង្គារ លើកិច្ចព្រមព្រៀ​ងធ្វើ​បត្យាប័នទ្វេភាគី ជាចំណាត់ការដែលទីក្រុងហ្សាការតា រំពឹងថាអាច រកយុត្តិធម៌ដល់​ជន​ដែលត្រូវបា​​នចោទប្រកាន់ពីបទលួចលុយរដ្ឋរាប់ពាន់លានដុល្លារនៅឯនាយសមុទ្រ។

 គណៈរដ្ឋមន្ត្រីជាន់ខ្ពស់នៃប្រទេសទាំងពីរក៏បានចុះហត្ថលេខាលើកិច្ចព្រមព្រៀងទ្វេភាគីគ្របដណ្តប់​លើ​ដែនអាកាស និងការពារជាតិ ដោយ​ក្នុងការចុះហត្ថលេខានេះ​ធ្វើឡើង​​​ប​ន្ទា​ប់ពី​ជំនួ​បរវាង​ប្រធា​នាធិ​ប​តីឥណ្ឌូនេ​ស៊ី លោក Joko Widodo និងនាយករដ្ឋមន្ត្រីសិង្ហបុរី លោក Lee Hsien Loong ។

 សម្រាប់បញ្ហានៃការធ្វើបត្យាប័ន បានធ្វើឱ្យប្រទេសឥណ្ឌូនេស៊ីមានការខកចិត្តជាយូរមកហើយ ដោយ​​​សារតែមានការព្រួយបារម្ភអំពីការលំបាកក្នុងការនាំយកជនភៀសខ្លួនមួយចំនួនដែលត្រូវបានចោទប្រកាន់​ពីបទកិបកេងប្រាក់យ៉ាងច្រើនក្នុងអំឡុងពេលវិបត្តិហិរញ្ញវត្ថុអាស៊ីដើម្បីស្វែងរកយុត្តិធម៌។

នៅក្រោមកិច្ចព្រមព្រៀងធ្វើបត្យាប័ន មានឧក្រិដ្ឋកម្ម ៣១ ប្រភេទ នឹងត្រូវទទួលខុសត្រូវក្នុ​ងការធ្វើ​បត្យា​ប័​ន ហើយវានឹងអនុវត្តចំពោះបទល្មើសដែលបានប្រព្រឹត្តរហូតដល់ ១៨ ឆ្នាំមុន នេះបើតាមសេច​ក្តីថ្លែង​ការណ៍​របស់ក្រសួងវិនិយោគ និងកិច្ចការដែនសមុទ្ររបស់ប្រទេសឥណ្ឌូនេស៊ីបាននិយាយ។ ជាងនេះ​ទៅ​ទៀត កិច្ចព្រមព្រៀងនេះក៏នឹងមានន័យថា ប្រជាជននឹងមិនអាចគេចផុត​ពីការរកយុត្តិធ​ម៌ដោយ​​ការ​ផ្លាស់ប្តូរស​ញ្ជាតិរបស់ពួកគេឡើយ។"ដូច្នេះការអនុវត្តកិច្ចព្រមព្រៀងធ្វើ​បត្យាប័នព្រហ្មទណ្ឌ​នឹងបង្កើ​តឥ​ទ្ធិ​​ពលរារាំងដល់បទឧក្រិដ្ឋនៅក្នុងប្រទេសឥណ្ឌូនេស៊ី និងសិង្ហបុរី"។

 គួរបញ្ជាក់ថា សេចក្តីថ្លែងការណ៍របស់ក្រសួងការបរទេសសិង្ហបុរីបាននិយាយថា ប្រទេ​សឥណ្ឌូ​ណេស៊ី​នឹងធ្វើប្រតិភូកម្មទៅប្រទេសសិង្ហបុរីនូវការផ្តល់សេវានាវាចរណ៍តាមអាកាសនៅក្នុងផ្នែកនៃដែនអាកាសសម្រាប់រយៈពេល ២៥ ឆ្នាំ ដែលអាចបន្តដោយការយល់ព្រមពីគ្នាទៅវិញទៅមក។ ប្រទេស​សិង្ហបុរីមើ​ល​ឃើញថា លំហអាកាសមានសារៈសំខាន់សម្រាប់ប្រតិបត្តិការប្រកបដោយប្រសិទ្ធភាព និងកា​ររី​កចម្រើននៃអាកាសយានដ្ឋាន Changi ដែលជាអា​កាសយាន​​ដ្ឋាន​ដ៏មមាញឹកបំផុ​តមួយ​របស់​ពិ​ភពលោក មុនពេលមានជំងឺរាតត្បាតជំងឺកូវីដ១៩៕ NR