មនុស្ស១៧នាក់ស្លាប់ និង៥៩នាក់ទៀតរងរបួសដោយសារការផ្ទុះគ្រាប់ដ័សាហាវ នៅភាគខាងលិចប្រទេសហ្គាណា
ប្រទេសហ្គាណា៖ យ៉ាងហោចណាស់មនុស្ស ១៧នាក់បានស្លាប់ និង ៥៩ នាក់បានរងរបួសកាលពីថ្ងៃព្រហស្បតិ៍ នៅក្នុងការផ្ទុះដ៏សាហាវមួយ នៅក្នុងទីក្រុងភាគខាងលិច បន្ទាប់ពីរថយន្តដឹកទំនិញដែលផ្ទុកសារធាតុផ្ទុះ បានបុកជាមួយម៉ូតូមួយគ្រឿង។នេះបើតាមការចេញផ្សាយដោយសារព័ត៌មាន BBC នៅថ្ងៃទី២១ ខែមករា ឆ្នាំ២០២២។
ប្រធានាធិបតីហ្គាណា Nana Akufo-Addo បានហៅវាថាជា "ឧប្បត្តិហេតុដ៏សោកសៅ អកុសល និងសោកនាដកម្ម" ហើយបានសម្តែង "ការរំលែកទុក្ខយ៉ាងជ្រាលជ្រៅចំពោះក្រុមគ្រួសារនៃអ្នកស្លាប់"៕
ហេតុការណ៍នេះ បានបន្សល់ទុកនូវរណ្ដៅដ៏ធំ និងបំផ្លាញអគាររាប់សិបខ្នង នៅជិតទីក្រុង Bogoso ចម្ងាយប្រហែល ៣០០គីឡូម៉ែត្រ ពីរដ្ឋធានី Accra របស់ប្រទេសហ្គាណា។ហេតុការណ៍នេះអ្នកស្រុកកំពុងប្រញាប់ប្រញាល់ឆ្ពោះទៅកន្លែងកើតហេតុ ដែលរថយន្តដឹកទំនិញកំពុងឆេះយ៉ាងសន្ធោសន្ធៅ ដើម្បីមើលការខូចខាត ខណៈក្រុមអ្នកជួយសង្គ្រោះ បានដើរឆ្លងកាត់គំនរបាក់បែក ដើម្បីស្វែងរកអ្នកនៅរស់រានមានជីវិតពីការបំផ្លិចបំផ្លាញ។
ក្នុងចំណោមអ្នករងរបួស ៥៩នាក់ មាន ៤២នាក់កំពុងទទួលការព្យាបាលនៅក្នុងមន្ទីរពេទ្យ ឬមណ្ឌលសុខភាព ហើយអ្នកខ្លះស្ថិតក្នុងស្ថានភាពធ្ងន់ធ្ងរ៕SP
