អាមេរិក៖ ក្រុមហ៊ុន Sotheby's Dubai បានប្រកាសនៅសប្តាហ៍នេះថា ខ្លួននឹងលក់គ្រាប់ពេជ្រពណ៌ខ្មៅ ដែលត្រូវបានគេជឿថាបានធ្លាក់មកផែនដីពីលំហអាកាស។ 

មន្ត្រីជំនាញដេញថ្លៃ របស់Sotheby's Dubai បានហៅពេជ្រខ្មៅដ៏ធំនោះថា "The Enigma" ។ វាមានទម្ងន់ 555.55 ការ៉ាត់។ ពេជ្រដ៏កម្រនេះត្រូវបានបង្ហាញដល់អ្នកសារព័ត៌មាននៅក្រុមហ៊ុន Sotheby's ដែលជាមជ្ឈមណ្ឌលដេញថ្លៃកាលពីថ្ងៃចន្ទ។ ហើយការចាប់ផ្តើមលក់នឹងដំណើការនៅក្នុងខែកុម្ភៈ ឯទីតាំងដេញថ្លៃ Sotheby's ក្នុងទីក្រុងឡុងដ៍ដោយរំពឹងថាអាចល់ យ៉ាងហោចណាស់ក្នុងតម្លៃ ៦.៨លានដុល្លារអាមេរិក។

ដោយឡែកពាក់ព័ន្ធទៅនឹងពេជ្រខ្មៅដ៏ធំមួយនេះ អ្នកជំនាញនៅឯមូលនិធិអវកាសជាតិនៅសហរដ្ឋអាមេរិកហៅថា "ពេជ្រកាបូន"  ពេជ្រកាបូនកើតឡើងកំឡុងពេលផ្ទុះ supernova ហើយគ្រាប់ពេជ្រខ្មៅ ប្រភេទកាបូននេះ គឺកម្រណាស់ត្រូវបានរកឃើញតែក្នុងប្រទេសប្រេស៊ីល និងអាហ្វ្រិកកណ្តាលប៉ុណ្ណោះ។ អ្នកជំនាញនិយាយថា ការសិក្សាអំពីរចនាសម្ព័ន្ធគីមីរបស់ថ្មនាំឱ្យពួកគេជឿថាវាមកពីលំហ។

លោកស្រី Sophie Stevens អ្នកឯកទេសគ្រឿងអលង្ការនៅ Sotheby's Dubai បានប្រាប់សារព័ត៌មាន Associated Press ពេជ្រខ្មៅThe Enigma ជានិមិត្តសញ្ញាដ៏សំខាន់មួយនៅមជ្ឈិមបូព៌ា និងអាហ្វ្រិកខាងជើង។ "វាតំណាងឱ្យកម្លាំង និងតំណាងឱ្យការការពារ"៕SP