អាមេរិក៖ឪពុកម្តាយរបស់ លោកTrevor Reed អាយុ 30 ឆ្នាំជាពលរដ្ឋអាមេរិក និងជាអតីតទាហានម៉ារីន ដែលត្រូវបានចាប់ដាក់គុកនៅក្នុងប្រទេសរុស្ស៊ីតាំងពីឆ្នាំ 2019 បានជួបជាមួយប្រធានាធិបតី Joe Biden បន្ទាប់ពីបានធ្វើបាតុកម្មនៅខាងក្រៅសេតវិមានដើម្បីជំរុញឱ្យលោក Biden នាំយកកូនប្រុសរបស់ពួកគេមកផ្ទះចំពេល រុស្ស៊ីឈ្លានពានអ៊ុយក្រែន។ នេះបើតាមការចេញផ្សាយដោយសារព័ត៌មានABCនៅថ្ងៃទី៣១ ខែមីនា ឆ្នាំ២០២២។

"ក្នុងអំឡុងជំនួប ប្រធានាធិបតីបានរំលឹកឡើងវិញនូវការប្តេជ្ញាចិត្តរបស់គាត់ក្នុងការបន្តធ្វើការដើម្បីធានាការដោះលែង Trevor, Paul Whelan និងជនជាតិអាមេរិកផ្សេងទៀតដែលត្រូវបានឃុំខ្លួនដោយខុសឆ្គងនៅក្នុងប្រទេសរុស្ស៊ី និងកន្លែងផ្សេងទៀត ។

លោក Jonathan Franks អ្នកនាំពាក្យសម្រាប់ក្រុមគ្រួសារបានបង្ហោះ Twitter ថាលោកប្រធានាធិបតីមាន "ចិត្តល្អមិនគួរឱ្យជឿ" ក្នុងអំឡុងពេលកិច្ចប្រជុំនៅសេតវិមាននៅល្ងាចថ្ងៃពុធជាមួយ Joey និង Paula Reed ។

លេខាធិការសារព័ត៌មានសេតវិមាន Jen Psaki បាននិយាយនៅក្នុងសេចក្តីថ្លែងការណ៍មួយថា Trevor គឺជាអតីតទាហានម៉ារីនម្នាក់ទៀតដែលជាប់គុកនៅក្នុងប្រទេសរុស្ស៊ី។ខណៈពេលនេះអាមេរិកក៏កំពុង ធ្វើការចរចារជាមួយរុស្ស៊ី ដើម្បីធ្វើយ៉ាងណាជួយដល់អ្នកទោសរបស់អាមេរិក បានត្រលប់មកប្រទេសវិញ៕SP