បម្រាមគោចរនៅប្រទេសស្រីលង្កា ខណៈក្រុមបាតុករព្យាយាមសម្រុកចូលផ្ទះប្រធានាធិបតីទាមទារឱ្យចុះចេញពីដំណែង
ប្រទេសស្រីលង្កា៖ ប៉ូលីសស្រីលង្កាបានដាក់បម្រាមគោចរក្នុងរដ្ឋធានីរបស់ប្រទេសនេះ បន្ទាប់ ពីមា នការប៉ះទង្គិចគ្នាជាមួយក្រុមបាតុករដែលព្យាយាមសម្រុកចូលលំនៅដ្ឋានរបស់ប្រធានាធិបតី Gotab aya Rajapaksa ខណៈដែលកំហឹងកើនឡើងចំពោះវិបត្តិសេដ្ឋកិច្ចកាន់តែអាក្រក់ ដែលបណ្តាល ឱ្យមានការដាច់ចរន្តអគ្គិសនី។នេះបើតាមការចេញផ្សាយដោយសារព័ត៌មានAljazeeraនៅថ្ងៃទី១ ខែមេសា ឆ្នាំ២០២២។
នៅក្នុងសេចក្តីថ្លែងការណ៍មួយទៅកាន់ប្រព័ន្ធផ្សព្វផ្សាយកាលពីល្ងាចថ្ងៃព្រហស្បតិ៍ អគ្គអធិការនៃប៉ូលីស CD Wickramaratne បាននិយាយថា បម្រាមគោចរនៅក្នុងស្រុកភាគច្រើននៃទីក្រុង Colombo នឹងមានរយៈពេល "រហូតដល់មានការជូនដំណឹងជាថ្មី" ។
ចំណាត់ការនេះបានកើតឡើងបន្ទាប់ពីក្រុមបាតុកររាប់រយនាក់នៅក្នុងសង្កាត់ Mirihana នៃរដ្ឋធានីបានគប់ដុំថ្ម និងប៉ះទង្គិចជាមួយប៉ូលិសកាលពីព្រឹកព្រលឹម ខណៈដែលពួកគេបានរុញច្រានរបាំងផ្លូវទីមួយដែលបិទផ្លូវទៅកាន់លំនៅដ្ឋានឯកជនរបស់ Rajapaksa ។ហ្វូងមនុស្សកំពុងតែស្រែកថា "ទៅផ្ទះ Gota!" និង " Gota គឺជាជនផ្តាច់ការ"។
ការអំពាវនាវឱ្យលោក Rajapaksa លាលែងពីតំណែងនេះបានកើតឡើងនៅពេលដែលប្រទេសស្រីលង្កាកំពុង ធ្លាក់ចុះនៃសេដ្ឋកិច្ចដែលបង្កឡើងដោយវិបត្តិរូបិយប័ណ្ណបរទេស ដែលបានធ្វើឱ្យរដ្ឋាភិបាលមិនអាចបង់ប្រាក់សម្រាប់ការនាំចូលប្រេងឥន្ធនៈ អាហារ និងសម្ភារៈចាំបាច់ផ្សេងទៀត។ កង្វះខាតប្រេងឥន្ធនៈបានបណ្តាលឱ្យដាច់ភ្លើងរហូតដល់ ១៣ ម៉ោង ហើយមន្ទីរពេទ្យរដ្ឋមួយចំនួនបានផ្អាកការវះកាត់ជាប្រចាំ៕SP
