អាមេរិក៖ មន្ត្រី FBI កំពូលមួយរូបបានប្រាប់សមាជិកសភាកាលពីថ្ងៃអង្គារថា ពួក Hacker រុស្ស៊ីបាន​នឹងកំពុងស្កេនប្រព័ន្ធរបស់ក្រុមហ៊ុនថាមពល និងហេដ្ឋារចនាសម្ព័ន្ធសំខា​ន់ៗផ្សេង​ទៀតនៅ​​ក្នុង​ស​ហរដ្ឋអាមេរិក ហើយការលួចចូលគាំទ្រដោយរដ្ឋ ប្រទេសរុស្ស៊ី បង្ហាញពីការគំរាមកំហែង "នាពេ​លថ្មី​ៗនេះ (Current)" ដល់សន្តិសុខជាតិសហរដ្ឋអាមេរិក។

 លោក Bryan Vorndran ជំនួយការនាយកផ្នែកអ៊ីនធឺណេតរបស់ FBI បាននិយាយក្នុងអំ​ឡុង​សវនាការមួយនៅចំពោះមុខក្រុមអ្នកតំណាងសភាសហរដ្ឋអាមេរិកថា "ការគំរាមកំហែងពី​ប្រទេស​រុស្ស៊ីក្នុងន័យព្រហ្មទណ្ឌ ក្នុងរដ្ឋ គឺពិតជាជាក់ស្តែង និងថ្មីៗនេះ" ។

 ក្នុងរយៈពេលប៉ុន្មានសប្តាហ៍ ចាប់តាំងពីការវាយប្រហារដោយឥតញញើតរបស់រុស្ស៊ីប្រឆាំ​ងនឹ​ងអ៊ុ​យក្រែ​ន សេតវិមាន និងក្រសួងយុត្តិធម៌ បានព្រមានក្រុមហ៊ុនអាមេរិកអំពី​ការស៊ើបការណ៍​សម្ងាត់ ឆ្ពោះ​ទៅរកការវាយប្រហារតាមអ៊ីនធឺណេត។

 ជាងនេះទៅទៀត លោក Bryan Vorndran ប្រាប់សមាជិកសភាថា "ករណីនៃបណ្តាញស្កែនរុស្ស៊ី" នៅក្នុ​ងវិស័យថាមពលរបស់សហរដ្ឋអាមេរិក បានកើនឡើងនាពេលថ្មីៗនេះ ហើយលោ​កបាននិយា​យថា​​ សកម្មភាពបែបនេះតំណាងឱ្យ "ដំណាក់កាលឈ្លបយកការណ៍" ដោយប្រទេសរុស្ស៊ី ដើម្បី​ព្យាយា​មស្វែងយល់អំពីការការពាររបស់ក្រុមហ៊ុន និងថាតើវាមានភាពងាយរងគ្រោះដែល​អាចត្រូវបានគេ​កេងប្រ​វ័ញ្ចដែរឬទេ។

 លោកបានកត់សម្គាល់ថា "វាជាផ្នែកមួយដ៏សំខាន់បំផុតនៃការវាយប្រហារទាំងមូល" ដោយបន្ថែមនៅពេ​លក្រោយនៅក្នុងសក្ខីកម្មរបស់លោកថា រុស្ស៊ីតំណាងឱ្យ "សត្រូវតាមអ៊ីនធឺណេតមួយក្នុងចំ​ណោម​សត្រូវ ២ តាមអ៊ីនធឺណេតដែលមានសមត្ថភាពបំផុត ដែលយើងប្រឈមមុខជាសកល" និងជា "សត្រូ​​វដ៏គួរឱ្យភ័យខ្លាច" ។

 ជាក់ស្តែង កាលពីឆ្នាំមុន មុនការវាយប្រហាររបស់រុស្ស៊ីលើអ៊ុយក្រែន ប្រធានាធិបតីអាមេរិក លោក ចូ បៃដិន បានព្រមានដោយបើកចំហលើ ប្រធានាធិបតីរុស្ស៊ី លោក វ្ល៉ាឌីមៀ ពូទីន ថា ហេដ្ឋារចនាសម្ព័ន្ធសំខាន់ៗមួយចំនួនគួរតែ "ដាក់កំហិត" ចំពោះការវាយប្រហារតាមអ៊ីនធឺណេត។ ការព្រមាននោះបានអនុវត្តទៅលើហេដ្ឋារចនាសម្ព័ន្ធ ១៦ ប្រភេទផ្សេងៗគ្នា ដែលជាការយោងជាក់ស្តែងចំពោះវិស័យចំនួន ១៦ ដែលត្រូវបានចាត់តាំងថាជាប្រភេទសំខាន់ដោយនាយកដ្ឋានសន្តិសុខមាតុភូមិរបស់សហរដ្ឋអាមេរិក រួមទាំង ទូរគមនាគមន៍ ការថែទាំសុខភាព អាហារ និងថាមពល ជាដើម។

 ចាប់តាំងពីពេលនោះមក លោក វ្ល៉ាឌីមៀ ពូទីន បានប្រាប់សមាជិកសភាថា លោកបានដឹងអំពីក្រុមហ៊ុន software ក្នុងចំណោមក្រុមហ៊ុនដទៃទៀត ដែលត្រូវបានកំណត់គោលដៅជាមួយនឹងការវាយប្រហារ។ លោកបានបន្តថា៖ «មានការចចារប្រឆាំងនឹងវិស័យហេដ្ឋារចនាសម្ព័ន្ធសំខាន់ៗចំនួន ១៦ នោះ។ "ខ្ញុំមិនអាចនិយាយជាក់លាក់ទៅមួយណាទេ"។ NR