កូរ៉េខាងត្បូង៖ ប្រព័ន្ធផ្សព្វផ្សាយរដ្ឋបានរាយការណ៍កាលពីថ្ងៃសុក្រថា ប្រទេសកូរ៉េខាងជើងបាននិយាយថា ខ្លួនបានបាញ់សាកល្បងមីស៊ីលផ្លោងអន្តរទ្វីប (ICBM) ដ៏ធំបំផុតរបស់ខ្លួនតាមបញ្ជារបស់មេដឹកនាំគីម ជុងអ៊ុន ដើម្បីបង្កើនការការពាររបស់ខ្លួន និងរៀបចំសម្រាប់ "ការប្រឈមមុខគ្នាដ៏យូរ" ជាមួយសហរដ្ឋអាមេរិក។នេះបើតាមការចេញផ្សាយដោយសារព័ត៌មានAljazeera ថ្ងៃទី២៥ ខែមីនា ឆ្នាំ២០២២។

លោក Kim ក្នុងសម្លៀកបំពាក់អាវស្បែកខ្មៅ និងវ៉ែនតាការពារពន្លឺថ្ងៃ កំពុងមើលការខុសត្រូវលើការបាញ់បង្ហោះ មីស៊ីលផ្លោងអន្តរទ្វីប "ប្រភេទថ្មី" នៃ ICBM គឺ Hwasong-17 ។

ការសាកល្បង ICBM លើកដំបូងដោយកូរ៉េខាងជើង ប្រដាប់ដោយអាវុធនុយក្លេអ៊ែរ ចាប់តាំងពីឆ្នាំ ២០១៧ បានទាក់ទាញការថ្កោលទោសយ៉ាងឆាប់រហ័សពីកូរ៉េខាងត្បូង និងជប៉ុន ក៏ដូចជាសហរដ្ឋអាមេរិក។ ប្រធានអង្គការសហប្រជាជាតិលោក Antonio Guterres បានថ្កោលទោសការបាញ់បង្ហោះនេះថាជា "ការរំលោភយ៉ាងច្បាស់" នៃដំណោះស្រាយរបស់ក្រុមប្រឹក្សាសន្តិសុខ។

យោងតាមប្រព័ន្ធផ្សព្វផ្សាយរដ្ឋ អាវុធនេះត្រូវបានបាញ់ចេញពីអាកាសយានដ្ឋានអន្តរជាតិក្រុងព្យុងយ៉ា ង ធ្វើដំណើរឡើងដល់កម្ពស់អតិបរមា ៦,២៤៨ គីឡូម៉ែត្រ និងហោះបានចម្ងាយ ១,០៩០  គីឡូម៉ែត្រ (ក្នុងអំឡុងពេលហោះហើររយៈពេល ៦៧ នាទី មុនពេលធ្លាក់ចូលទៅក្នុងសមុទ្រ ជប៉ុន។

លោក គីម បានបញ្ជាឱ្យធ្វើតេស្តនេះ ដោយសារតែភាពតានតឹងផ្នែកយោធាដែលកើនឡើងជារៀងរាល់ថ្ងៃនៅក្នុង និងជុំវិញឧបទ្វីបកូរ៉េ និង "ភាពជៀសមិនរួចនៃការប្រឈមមុខដាក់គ្នាយូរអង្វែងជាមួយចក្រពត្តិនិយមអាមេរិក"៕SP