អ៊ុយក្រែន៖យ៉ាងហោចណាស់មានកុមារចំនួន ៣៧ នាក់ត្រូវបានសម្លាប់ និង ៥០ នាក់បានរងរបួស “ក្នុងរយៈពេលតិចជាងពីរសប្តាហ៍” នាយកប្រតិបត្តិអង្គការ UNICEF លោកស្រី Catherine Russell បាននិយាយថា កុមារជាង ១ លាននាក់ត្រូវបានបង្ខំឱ្យភៀសខ្លួន។នេះបើតាមការចេញផ្សាយដោយសារព័ត៌មានAljazeeraនៅថ្ងៃទី១០ ខែមីនា ឆ្នាំ២០២២។

លោកស្រី Russell បាននិយាយនៅក្នុងសេចក្តីថ្លែងការណ៍មួយថា "ការវាយប្រហារប្រឆាំងនឹងជន ស៊ីវិល និងហេដ្ឋារចនាសម្ព័ន្ធស៊ីវិល រួមទាំងមន្ទីរពេទ្យ ប្រព័ន្ធទឹក និងអនាម័យ និងសាលារៀន - "កុមារអ៊ុយក្រែនត្រូវការសន្តិភាពយ៉ាងខ្លាំង" ។

លោកប្រធានាធិបតីអ៊ុយក្រែន Volodomyr Zelenskyy បាននិយាយថា ទាហានរុស្ស៊ីបានបើកការវាយប្រហារដោយផ្ទាល់លើមន្ទីរពេទ្យកុមារ។ លោកបានហៅការវាយប្រហារនេះថាជាអំពើឃោរឃៅ ហើយថា ប្រជាពលរដ្ឋក្មេងចាស់កប់នៅក្រោមគំនរថ្មបែកបាក់។ លោក Volodymyr Zelenskyy បាននិយាយថា ពួកគេចង់ឱ្យយើងមានអារម្មណ៍ដូចជាសត្វធាតុ ព្រោះពួកគេបានបិទទីក្រុងរបស់យើង ទីក្រុងធំៗបំផុតរបស់យើងនៅក្នុងប្រទេសអ៊ុយក្រែនត្រូវបានបិទមានកុមារជាច្រើននៅក្នុងទីក្រុង Mariupol បានស្លាប់។ «ខ្ញុំមិនដឹងថា តើលោក Putin នឹងប្រាប់រឿងនេះដល់ពិភពលោកយ៉ាងណាទេ»៕SP