ខេត្តសៀមរាប៖ សោកស្តាយបំផុត បន្ទាប់ពីធ្វើខួបកំណើតគម្រប់៨ឆ្នាំកាលពីខែវិច្ឆិកា ឆ្នាំ២០២១ វីរៈ​កណ្តុ​រ​ហិ​តរ​កគ្រា​ប់មីន (Hero Rat ) ម៉ាហ្កាវ៉ា (Magawa) បានទទួលមរណភាពហើយកាលពីចុង​សប្តាហ៍មុននេះ ។ នេះបើយោងតាមសេចក្តីប្រកាសរបស់អង្គការ APOPOរបស់ប្រទេសប៊ែលហ្សិក ។

 ដោយចាប់កំណើតក្នុងប្រទេសតង់ហ្សានី នាទ្វីបអាហ្វ្រិកអំឡុងខែវិច្ឆិកា ឆ្នាំ២០១៤ ម៉ាហ្កាវ៉ា ដែល​ទទួ​ល​បានការបណ្តុះបណ្តាលហិតរកគ្រាប់មីនដោយអង្គការ APOPO បានមក​ដល់ប្រ​ទេស​កម្ពុជា​កា​ល​ពីឆ្នាំ២០១៦ ។ រយៈពេល៥ឆ្នាំនៅកម្ពុជា វីរកណ្តុរ ម៉ាហ្កាវ៉ា បានរួមចំណែករុក​រកគ្រាប់មី​នចំនួ​ន៧​១គ្រា​ប់​ និងគ្រាប់មិនទាន់ផ្ទុះជាង៧០ គ្រាប់ទៀតនៅក្នុងខេត្តសៀមរាប ព្រះវិហារ និងខេត្តឧត្តរមានជ័យ ។

 តាមរយៈពលិកម្មដ៍ធំធេងនេះ ម៉ាហ្កាវ៉ា ក៍ត្រូវបានអង្គការសត្វព្រៃមានមូលដ្ឋាននៅ​ចក្រភាពអង់គ្លេ​ស ផ្តល់​ពា​នរង្វាន់​មេដាយមាស ពោលគឺប៉ុន្មានខែមុនពេលចូលនិវត្តន៍ និងចាកចេញពីកម្ពុជា​កាល​ពីខែ មិ​ថុនា ២០២១។ភាគច្រើនមេដាយនេះត្រូវផ្តល់ដល់ជនស៊ីវិលដែលមានភាពក្លាហាន និងវីរភាព។ ប៉ុន្តែ ម៉ាហ្កាវ៉ា គឺជា​សត្វដំបូងគេដែលបានទទួលពានរង្វាន់ក្នុងប្រវត្តិសាស្ត្រ៕SP