តុលាការអង្គការសហប្រជាជាតិបើកសវនាការ សំណុំរឿងការបង្ក្រាបដ៏ឃោរឃៅពីសំណាក់យោធាសហភាពមីយ៉ាន់ម៉ា
អាមេរិក៖ សវនាការរយៈពេល ៤ថ្ងៃក្នុងសំណុំរឿងការបង្ក្រាបដ៏ឃោរឃៅពីសំណាក់យោធាសហភាពមីយ៉ាន់ម៉ាឆ្នាំ២០១៧ លើជនជាតិភាគតិចរ៉ូហ៊ីងយ៉ាបានបើកកាលពីរសៀលថ្ងៃចន្ទ នៅឯតុលាការយុត្តិធម៌អន្តរជាតិ (ICJ)។ នេះបើតាមការចេញផ្សាយរបស់សារព័ត៌មានBBC នៅថ្ងៃទី២២ ខែកុម្ភៈឆ្នាំ២០២២។
ដើម្បីបញ្ជាក់ពីមូលហេតុដែលពួកគេជឿថា ករណីសំណុំរឿងដែលត្រូវបានដាក់ជូនតុលាការដោយប្រទេសអាហ្វ្រិក ហ្គំប៊ី តំណាងឱ្យបណ្ដាប្រទេសមូស្ល៊ីមគួរតែត្រូវបានទម្លាក់ចោល។
ប្រទេសហ្គំប៊ីបានដាក់ពាក្យបណ្ដឹងនៅឯតុលាការយុត្តិធម៌អន្តរជាតិកាលពីឆ្នាំ២០១៩ ដោយចោទប្រកាន់ប្រទេសមីយ៉ាន់ម៉ាពីបទប្រព្រឹត្តិអំពើប្រល័យពូជសាសន៍ លើជនជាតិភាគតិចមូស្ល៊ីមរ៉ូហ៊ីងយ៉ា។ ក្រុមមេធាវីតំណាងឲ្យរបបសឹកមីយ៉ាន់ម៉ាបានព្យាយាមច្រានចោលករណីចោទប្រកាន់នេះ នៅឯតុលាការកំពូលរបស់អង្គការសហប្រជាជាតិដោយទាត់ចោលថា ខ្វះយុត្តាធិការ ឬភាពស្របច្បាប់។
មេធាវីលោក Christopher Staker បានប្រកែកថា តុលាការអាចត្រឹមតែស្ដាប់សំណុំរឿងរវាងរដ្ឋនានាតែប៉ុណ្ណោះ ហើយថា ប្រទេសហ្គំប៊ីបានកំពុងធ្វើសកម្មភាពជាអ្នកតំណាងឲ្យអង្គការមូស្ល៊ីម។ ហើយក្រុមតុលាការសម្រាប់ប្រទេសហ្គំប៊ីគ្រោងនឹងឆ្លើយតបនៅថ្ងៃពុធស្អែកនេះ៕SP
