MOSCOW៖ វិមានក្រឹមឡាំងបាននិយាយនៅក្នុងសេចក្តីថ្លែងការណ៍មួយថា ប្រធានាធិបតីរុស្ស៊ី លោក វ្ល៉ាឌីមៀ ពូទីន និងប្រធានាធិបតីបារាំង លោក អេម៉ានុយអែល ម៉ាក្រុង បានពិភាក្សាគ្នាពីតម្រូវការក្នុង ការបង្កើនការស្វែងរកដំណោះស្រាយការទូតចំពោះវិបត្តិដែលកំពុងកើនឡើងនៅភាគខាងកើតអ៊ុយក្រែននៅក្នុងការនិយាយទូរស័ព្ទជាមួយគ្នាកាលពីថ្ងៃអាទិត្យ។

 វិមានក្រឹមឡាំងបាននិយាយនៅក្នុងសេចក្តីថ្លែងការណ៍មួយថា "ដោយមើលឃើញពីភាពបន្ទាន់ នៃស្ថាន ការណ៍ ប្រធានាធិបតីបានទទួលស្គាល់ពីតម្រូវការក្នុងការបង្កើនកា រស្វែងរកដំណោះស្រាយ តាមរយៈ មធ្យោបាយការទូត តាមរយៈក្រសួងការបរទេស និងទីប្រឹក្សានយោបាយដល់មេដឹកនាំនៃទម្រង់ Norm andy" ។

 វិមានក្រឹមឡាំងបានបន្ថែមថា "ទំនាក់ទំនងទាំងនេះគួរតែជួយសម្រួលដល់ការស្តារ ឡើងវិញនូវរបបបទ ឈប់បាញ់ និងធានាបាននូវវឌ្ឍនភាពក្នុងការដោះស្រាយជម្លោះនៅ Donbass" ។

 គួរបញ្ជាក់ថា នៅក្នុងការអំពាវនាវដាច់ដោយឡែកមួយកាលពីថ្ងៃអាទិត្យ លោក អេម៉ានុយអែល ម៉ាក្រុង និងប្រធានាធិបតីអ៊ុយក្រែន លោក Volodymyr Zelenskiy បានពិភាក្សាអំពីមធ្យោបាយដែលអាច មា នដើម្បីធានាបាននូវការបន្ថយការកើនឡើងជាបន្ទាន់៕NR