រុស្ស៊ី៖ កងកម្លាំងប្រដាប់អាវុធរុស្ស៊ីបានបំផ្លាញគោលដៅចំនួន ១.៦១២ ចាប់តាំងពីការចាប់ផ្តើមប្រតិបត្តិការយោធាពិសេសក្នុងប្រទេសអ៊ុយក្រែន នេះបើតាមអ្នកនាំពាក្យក្រសួងការពារជាតិរុស្ស៊ី ឧត្តមសេនីយ៍ទោ Igor Konashenkov ។នេះបើតមាការចេញផ្សាយដោយសារព័ត៌មានBBCកាលពីពេលថ្មីៗនេះ។

"គោលដៅសរុបចំនួន  ១.៦១២ ត្រូវបានបំផ្លាញចាប់តាំងពីការចាប់ផ្តើមប្រតិបត្តិការ រួមទាំងប៉ុស្តិ៍បញ្ជាការ និងមជ្ឈមណ្ឌលទំនាក់ទំនងចំនួន ៦២ ប្រព័ន្ធមីស៊ីល S-300 ចំនួន ៣៩ ប្រព័ន្ធ Buk M-1 និង Osa និងស្ថានីយរ៉ាដាចំនួន ៥២" ដែលបានពន្យល់យ៉ាងលម្អិតដកស្រង់ពី TASS នៅលើ ថ្ងៃទី ៤ ខែមីនា

លោកបានពន្យល់បន្ថែមថា គោលដៅផ្សេងទៀតដែលត្រូវបានបំផ្លាញដោយជោគជ័យមានយន្តហោះចំនួន ៤៩ គ្រឿងដែលត្រូវបានបំផ្លាញនៅលើដី និង ១៣ ផ្សេងទៀតនៅលើអាកាស។ រថក្រោះសរុបចំនួន ៦០៦ គ្រឿង និងរថពាសដែកប្រយុទ្ធផ្សេងទៀត គ្រាប់រ៉ុក្កែតចំនួន ៦៧ គ្រឿង កាំភ្លើងធំ និងកាំភ្លើងត្បាល់ចំនួន២២៧  គ្រឿង រថយន្តយោធាចំនួន ៤០៥ គ្រឿង និងយានជំនិះគ្មានមនុស្សបើកចំនួន ៥៣គ្រឿងក៏ត្រូវបានបំផ្លាញផងដែរ។

លោក Konashenkov បាននិយាយថាជោគជ័យនេះត្រូវបានសម្រេចចាប់តាំងពីប្រទេសរុស្ស៊ីបានចាប់ផ្តើមប្រតិបត្តិការយោធាពិសេសដែលត្រូវបានអនុញ្ញាតដោយប្រធានាធិបតីរុស្ស៊ីលោក Vladimir Putin នៅថ្ងៃទី ២៤ ខែកុម្ភៈ។

មនុស្សរាប់ពាន់នាក់ត្រូវបានសម្លាប់ ឬរងរបួសនៅក្នុងការវាយប្រហារដ៏ធំបំផុតលើប្រទេសអឺរ៉ុបមួយចាប់តាំងពីសង្គ្រាមលោកលើកទី ២ បានចាប់ផ្តើម បង្កើតឱ្យមានជនភៀសខ្លួន១ លាននាក់ ប៉ះពាល់ដល់សេដ្ឋកិច្ចរបស់ប្រទេសរុស្ស៊ី និងការភ័យខ្លាចនៃជម្លោះកាន់តែទូលំទូលាយនៅក្នុងប្រទេសលោកខាងលិចដែលមិននឹកស្មានដល់អស់ជាច្រើនទសវត្សរ៍៕SP