ប្រធានាធិបតីរបស់ប្រេស៊ីល ចម្អកថា លោកមិនដាក់ទណ្ឌកម្មរុស្ស៊ីនោះទេ នេះមកពីអ៊ុយក្រែន "ជឿជាក់នឹងផ្ញើរជោគវាសនាលើតារាកំប្លែង”
ប្រេស៊ីល៖ ប្រធានាធិបតីប្រេស៊ីលលោក Jair Bolsonaro បានរិះគន់ប្រធានាធិបតីអ៊ុយក្រែនលោក Volodymyr Zelensky កាលពីថ្ងៃអាទិត្យដោយបន្ថែមថាប្រេស៊ីលនឹង "ប្រកាន់យកជំហរអព្យាក្រឹតចំពោះអ៊ុយក្រែន" ហើយនឹងមិនដាក់ទណ្ឌកម្មលើរុស្ស៊ីទេ។នេះបើតាមការចេះផ្សាយដោយសារព័ត៌មាន CNNនៅថ្ងៃទី២៨ ខែកុម្ភៈ ឆ្នាំ២០២២។
ថ្លែងនៅក្នុងសន្និសិទសារព័ត៌មានពេលវិស្សមកាល លោក Bolsonaro បាននិយាយថា ប្រជាជនអ៊ុ យ ក្រែនបាន "ជឿទុកចិត្តនឹងផ្ញើរជោគវាសនារបស់ប្រទេសមួយលើតារាកំប្លែងម្នាក់ " ដោយសំដៅទៅលើអតីតអាជីពរបស់ Zelensky ជាតារាសម្តែង និងជាតារាកំប្លែង។
គាត់ក៏បានចង្អុលបង្ហាញថាប្រេស៊ីលពឹងផ្អែកលើជីរបស់រុស្ស៊ី លោកបន្តថា សកម្មភាពនោះប្រឆាំងនឹងទីក្រុងម៉ូស្គូ "អាចនាំមកនូវគ្រោះថ្នាក់ធ្ងន់ធ្ងរដល់កសិកម្មនៅក្នុងប្រទេសប្រេស៊ីល" ។ គាត់បានបន្ថែមថាគាត់គាំទ្រសន្តិភាព ហើយក៏មិនចង់នាំបញ្ហាបន្ថែមទៀតដល់ប្រេស៊ីលទេ"។
នៅពេលត្រូវបានចោទសួរអំពីការសម្លាប់រង្គាលដែលអាចកើតមាននៅក្នុងប្រទេសអ៊ុយក្រែន លោក Bolsonaro បាននិយាយថា វាគឺជា "ការនិយាយបំផ្លើសក្នុងការនិយាយអំពីការសម្លាប់រង្គាល"ការអត្ថាធិប្បាយរបស់ប្រធានាធិបតីប្រេស៊ីលកាលពីថ្ងៃអាទិត្យបានធ្វើឡើងបន្ទាប់ពីក្រុមប្រឹក្សាសន្តិសុខអង្គការសហប្រជាជាតិបានបោះឆ្នោតភាគច្រើនដើម្បីបើកកិច្ចប្រជុំបន្ទាន់ ពិភាក្សាអំពីការឈ្លានពានរបស់រុស្ស៊ី។
សូមបញ្ជាក់ថា លោក Bolsonaro បានជួបជាមួយប្រធានាធិបតីរុស្ស៊ីលោក Vladimir Putin ក្នុងដំណើរទស្សនកិច្ចទៅកាន់ទីក្រុងម៉ូស្គូកាលពីថ្ងៃទី ១៦ ខែកុម្ភៈ ឆ្នាំ២០២២កន្លងទៅនិងបានធ្វើកិច្ចសហប្រតិបត្តការការងារជាច្រើនជាមួយរុស្សី៕SP
