តៃវ៉ាន់ចេញមុខថ្កោលទោស និងប្រកាសដាក់ទណ្ឌកម្មប្រទេសរុស្ស៊ីជុំវិញការឈ្លានពានលើប្រទេសអ៊ុយក្រែន
តៃវ៉ាន់៖តៃវ៉ាន់បាននិយាយកាលពីថ្ងៃសុក្រថាខ្លួនកំពុងចូលរួមជាមួយប្រទេសប្រជាធិបតេយ្យផ្សេងទៀតក្នុងការដាក់ទណ្ឌកម្មលើរុស្ស៊ីជុំវិញការឈ្លានពានរបស់ខ្លួនលើអ៊ុយក្រែន។ នេះបើតាមការលើកឡើងរបស់នាយករដ្ឋមន្ត្រីតៃវ៉ាន់ លោក ស៊ូ ត្សេងចាង ចេញផ្សាយដោយ ទីភ្នាក់ងារសារព័ត៌មាន Reuters នាព្រឹកថ្ងៃសុក្រ ទី២៥ ខែកុម្ភៈ ឆ្នាំ២០២២។
យ៉ាងក៏ដោយ, នាយករដ្ឋមន្ត្រីតៃវ៉ាន់ខាងលើនេះ មិនបានបញ្ជាក់នៅឡើយទេថា តើកោះតៃវ៉ាន់នឹងដាក់ទណ្ឌកម្មអ្វីទៅលើរុស្ស៊ី ឬក៏នឹងចូលរួមជាមួយប្រទេសណាខ្លះនោះ។ កោះតៃវ៉ាន់ត្រូវបានគេមើលឃើញថា កំពុងសម្លឹងមើលការវិវឌ្ឍស្ថានការណ៍រវាងរុស្ស៊ី និងអ៊ុយក្រែន មិនឲ្យផុតពីក្រសែភ្នែកនោះឡើយ ខណៈកោះនេះនៅតែកំពុងស្ថិតក្នុង ទំនាក់ទំនងដ៏តានតឹងជាមួយមហាយក្សចិន។
លោក Su Tseng-chang បានប្រាប់ក្រុមអ្នកសារព័ត៌មាន ថា «យើងសូមថ្កោលទោសយ៉ាងពេញទំហឹង ចំពោះទង្វើឈ្លានពានបែបនេះ ហើយនឹងរួបរួមជាមួយប្រទេសប្រជាធិបតេយ្យនានា ដើម្បីចូលរួមដាក់ទណ្ឌកម្ម»។
ដោយឡែក, រដ្ឋមន្ត្រីការបរទេសតៃវ៉ាន់លោកស្រី វ៉ាង ម៉ីហ័រ (Wang Mei-hua) បានប្រាប់ក្រុមអ្នកសារព័ត៌មាន នៅពេលបន្ទាប់មកទៀតថា កោះនេះនឹងពិនិត្យលើការនាំចេញទៅកាន់រុស្ស៊ី និងសម្របសម្រួលជាមួយសម្ព័ន្ធមិត្ត ដើម្បីចាត់វិធានការទៅថ្ងៃមុខ។
សូមបញ្ជាក់ថា តៃវ៉ាន់ជាអ្នកផ្គត់ផ្គង់បន្ទះកុំព្យូទ័រធំបំផុតមួយក្នុងពិភពលោក។ ការព្រមមានដាក៉ ទណ្ឌ កម្មនេះទំនងជាកាត់ផ្តាច់ការផ្គត់ផ្គង់បន្ទះឈីបកុំព្យូទ័រទៅដល់រុស្ស៊ីដែរហើយ៕SP
