ប្រព័ន្ធការពាររាងកាយមានតួនាទីសំខាន់ខ្លាំងណាស់ជាពិសេសក្នុងការជួយទប់ទល់នឹងការវាយលុកពីពពួកមេរោគដែលអាចបង្កជំងឺផ្សេងៗ ហេតុដូចនេះ យើងគួរយកចិត្តទុកដាក់តាមដានពីស្ថានភាពនៃប្រព័ន្ធការពាររាងកាយជាប្រចាំដើម្បីអាចធ្វើការកែខៃបានទាន់ពេលវេលាក្នុងករណីមានបញ្ហាចុះខ្សោយ។ 

ខាងក្រោមជាសញ្ញា ៨យ៉ាងដែលច្រើនកើតមានក្នុងករណីប្រព័ន្ធការពាររាងកាយចុះខ្សោយ៖

1- ផ្តាសាយ ក្អក ឈឺបំពង់ក ញឹកញាប់

2- មានបញ្ហាពោះញឹកញាប់ (រាក ចុកមូល ទល់លាមក…)

3- ដំបៅ ឬរបួសមិនងាយជាសះស្បើយ

4- ឡើងពងបែកលើបបូរមាត់

5-  អស់កម្លាំងជាប្រចាំ 

6- ស្បែកឡើងមុន ឬកន្ទួលរោល ឬរមាស់ញឹកញាប់ 

7- ឆ្លងរោគញឹកញាប់ (ពិសេសជំងឺផ្លូវដង្ហើម ជំងឺគ្រុនពោះវៀន រលាកផ្លូវបង្ហូរនោម រោគផ្សិតនៅប្រដាប់បន្តពូជ...)

8- ឈឺសាច់ដុំ ឆ្អឹង សន្លាក់

ក្រៅពីរោគសញ្ញាខាងលើ ក៏អាចមានរោគសញ្ញាផ្សេងៗទៀតផងដែរដែលទាក់ទងនឹងការចុះខ្សោយ ឬភាពខុសប្រក្រតីនៃប្រព័ន្ធការពាររាងកាយ។ ក្នុងករណីសង្ស័យ ឬកើតមានរោគសញ្ញាណាមួយញឹកញាប់ ឬ កើតហើយកើតទៀត មិនងាយជា ឬរំខានដល់ការរស់នៅ សូមធ្វើការពិគ្រោះ និងពិនិត្យជាមួយនឹងគ្រូពេទ្យអោយបានត្រឹមត្រូវ។RT