(កំពង់ចាម)៖ រដ្ឋបាលខេត្តកំពង់ចាម នៅព្រឹកថ្ងៃទី១០ ខែមិថុនា ឆ្នាំ២០២១នេះ បានចេញសេចក្ដីប្រកាសព័ត៌មានបញ្ជាក់អំពីការរកឃើញ និងបង្ហាញអត្ដសញ្ញាណអ្នកកើតជំងឺកូវីដ១៩ ចំនួន២០នាក់បន្ថែមទៀត ដែលក្នុងនោះសុទ្ធតែអ្នកពាក់ព័ន្ធជាមួយកម្មករ កម្មការិនីរោងចក្រ។

អ្នកដែលទើបរកឃើញឆ្លងជំងឺកូវីដ១៩ ទាំង២០នាក់នេះ មាននៅស្រុកកំពង់សៀម ចំនួន២នាក់, ស្រុកស្ទឹងត្រង់ ចំនួន១នាក់, ស្រុកកងមាស ចំនួន៥នាក់, ស្រុកស្រីសន្ធរ ចំនួន២នាក់, ស្រុកបាធាយ ចំនួន២នាក់, ស្រុកព្រៃឈរ ចំនួន៣នាក់, ស្រុកជើងព្រៃ ចំនួន៥នាក់។ ក្នុងនោះជាសះស្បើយចំនួន១៥នាក់។