តៃប៉ិ៖ កងទ័ពអាកាសតៃវ៉ាន់ បាននិយាយថាយន្តហោះចម្បាំង F-16V មួយគ្រឿងបានបាត់ខ្លួននៅលើសមុទ្រភាគខាងលិចកោះតៃវ៉ាន់ កាលពីរសៀលថ្ងៃអង្គារ ដោយប្រតិបត្តិការស្វែងរក និងជួយសង្គ្រោះកំពុងបន្ត។ នេះបើយោងតាមការចុះផ្សាយដោយទីភ្នាក់ងារសារព័ត៌មាន RT នៅថ្ងៃទី១១ មករា ២០២២។
យន្តហោះដែលមានលេខ 6650 បានបាត់ពីអេក្រង់រ៉ាដានៅម៉ោង 3:23 រសៀល ប្រហែល 30 នាទីបន្ទាប់ពីវាបានហោះចេញពីមូលដ្ឋានអាកាស Chiayi នៅភាគខាងត្បូងកោះតៃវ៉ាន់សម្រាប់ការហ្វឹកហាត់ជាប្រចាំ។
គួរបញ្ជាក់ថា អ្នកស្រុក Chiayi បានរាយការណ៍ថាបានឃើញយន្តហោះធ្លាក់ចូលទៅក្នុងសមុទ្រនៅជិត Aogu Wetland ក្នុងសង្កាត់ Dongshi នៃមូលដ្ឋានអាកាស Chiayi ៕RT
