អន្តរជាតិ៖ ផ្ទាំងទឹកកកយ៉ាងហោចណាស់១ភាគ៣នៃតំបន់បេតកភណ្ឌពិភពលោក Yosemite ដែលឧទ្យានជាតិរបស់សហរដ្ឋអាមេរិកដែរនោះ នឹងរលាយបាត់រូបរាងនៅពាក់កណ្ដាលសតវត្សរ៍នេះ បើទោះបីជាការបំភាយឧស្ម័នផ្ទះកញ្ចក់ត្រូវបានទប់ស្កាត់ក៏ដោយ។ នេះបើយោងតាមការចុះផ្សាយដោយទីភ្នាក់ងារសារព័ត៌មាន CNA នៅថ្ងៃទី០៤ វិច្ឆិកា ២០២២។

 របាយការណ៍ដដែលបញ្ជាក់ថា ផ្ទាំងទឹកកកទាំងអស់នៅឧទ្យាន Yosemite ក៏ដូចជាឧទ្យានជាតិ Yellowstone ព្រមទាំងផ្ទាំងទឹកកកមួយចំនួនដែលនៅសល់ក្នុងទ្វីបអាហ្វ្រិក នឹងត្រូវបាត់បង់ដោយចៀសមិនរួច បើទោះបីជាការឡើងកម្ដៅនៃភពផែនដី មានត្រឹមតែ ១,៥ អង្សា ក៏ដោយ៕