អន្តរជាតិ៖ យោធាអាមេរិកបាននិយាយថា ខ្លួនបានធ្វើការវាយប្រហារតាមអាកាសយ៉ាងជាក់លាក់ប្រឆាំងនឹងបរិវេណលេនដ្ឋានដែលប្រើប្រាស់ដោយកងជីវពលដែលគាំទ្រដោយអ៊ីរ៉ង់នៅភាគខាងកើតប្រទេសស៊ីរី។ នេះបើយោងតាមការចុះផ្សាយដោយទីភ្នាក់ងារសារព័ត៌មាន The Guardian នៅថ្ងៃទី២៥ សីហា ២០២២។

ប្រធានាធិបតីអាមេរិកលោក Joe Biden បានអនុញ្ញាតឲ្យធ្វើការវាយប្រហារ ដើម្បីឆ្លើយតបទៅនឹងការកំណត់គោលដៅនាពេលថ្មីៗនេះលើមូលដ្ឋានទ័ពអាមេរិកចំនួនពីរក្នុងប្រទេសស៊ីរី ដោយគ្រាប់រ៉ុក្កែត និងយន្តហោះគ្មានមនុស្សបើក។ មន្ត្រីយោធាអាមេរិកបាននិយាយថា ក្រុមដែលមានទំនាក់ទំនងនឹងកងឆ្មាំបដិវត្តន៍ឥស្លាមរបស់អ៊ីរ៉ង់ គឺជាអ្នកនៅពីក្រោយការវាយប្រហារទាំងនោះ ប៉ុន្តែមិនបានបញ្ជាក់ពីក្រុមណានោះទេ។

មន្ត្រីអាមេរិកបាននិយាយថា យន្តហោះចម្បាំងអាមេរិកចំនួន 8 គ្រឿង F-16 ចំនួន 4 គ្រឿង និង F-15 ចំនួន 4 គ្រឿងបានទម្លាក់គ្រាប់បែកលើលេណដ្ឋានចំនួន 9 នៅឃ្លាំង Ayyash ក្នុងខេត្ត Deir ez-Zor របស់ប្រទេសស៊ីរី ។

យ៉ាងណាមិញ ទីបញ្ជាការកណ្តាលអាមេរិកបាននិយាយនៅក្នុងសេចក្តីថ្លែងការណ៍មួយបន្ទាប់ពីប្រតិបត្តិការនេះ ប្រធានាធិបតី Joe Biden បានអនុញ្ញាតឱ្យមានការឆ្លើយតបរបស់យោធានៅក្រោមមាត្រាទី 2 នៃរដ្ឋធម្មនុញ្ញសហរដ្ឋអាមេរិក ដើម្បី "ការពារបុគ្គលិកអាមេរិកដោយការរំខាន ឬរារាំងការវាយប្រហារដោយក្រុមដែលគាំទ្រដោយអ៊ីរ៉ង់" ។RT