ស៊ាងហៃ៖ អ្នកជំនាញផ្នែករោគរាតត្បាតជាន់ខ្ពស់ចិនបាននិយាយថា សហរដ្ឋអាមេរិកគួរតែសិក្សាមួយជំហានទៀតពីប្រភពដើមនៃជំងឺកូវីដ-១៩ ក្រោយការសិក្សាស្រាវជ្រាវរកឃើញថាជំងឺនេះអាចកើតមាននៅអាមេរិកនាដើមខែធ្នូឆ្នាំ២០១៩៕ នេះបើយោងតាមការចុះផ្សាយដោយគេហទំព័រ Reuters នៅថ្ងៃទី ១៧ ខែមិថុនា ឆ្នាំ២០២១។

ការសិក្សាស្រាវជ្រាវដោយវិទ្យាស្ថានសុខាភិបាលជាតិអាមេរិក (NIH) បានបង្ហាញថាក្នុងចំណោមមនុស្ស៧នាក់នៅក្នុងរដ្ឋទាំង៥របស់អាមេរិកបានឆ្លង SARS-CoV-2 ដែលជាមេរោគបង្កើតឱ្យកើតជំងឺ Covid-19 មុនពេលសហរដ្ឋអាមេរិករាយការណ៍ពីករណីដំបូងនៃការឆ្លងជំងឺនេះ។

ការសិក្សារួមគ្នារបស់អង្គការសុខភាពចិននិង WHO (អង្គការសុខភាពពិភពលោក) បានបញ្ចេញទិន្នន័យសិក្សារួមមួយកាលពីខែមីនាស្ដីពី Covid-19 ថាអាចកើតឡើងដោយសារតែការជួយដូរសត្វព្រៃ ដែលធ្វើឱ្យមេរោគនេះឆ្លងពីសត្វមកមនុស្សតាមរយៈសត្វប្រចៀវ។

ប៉ុន្តែទីក្រុងប៉េកាំង បានធ្វើការផ្សព្វផ្សាយនូវទ្រឹស្តីមួយដែលថា Covid-19 បានចូលមកក្នុងប្រទេសចិនពីក្រៅប្រទេសតាមរយៈអាហារកក ខណៈអ្នកនយោបាយបរទេសជាច្រើនរូបបានទាមទារឱ្យមានការស្រាវជ្រាវបន្ថែមទៀតថាជំងឺនេះអាចកើតពីការធ្លាយចេញមកពីមន្ទីរពិសោធ។

ដោយឡែក ប្រធានផ្នែកសិក្សាលើមេរោគរាតត្បាត លោក Zeng Guang បានប្រាប់ The Global Times ដែរថាអាមេរិកគួរតែបង្កើតការយកចិត្តទុកដាក់ជាពិសេសលើរៀងនេះ ព្រោះប្រទេសនេះធ្វើការយឺតយ៉ាវទៅលើការធ្វើតេស្ដរកមេរោគក្នុងដំណាក់កាលកើតចេញនូវជំងឺនេះក្នុងដំណាក់កាលដំបូង ហើយទីនោះក៏ជាទីតាំងនៃមន្ទីរពិសោធវិទ្យាសាស្ត្រជាច្រើនកន្លែងផងដែរ។

ដើមកំណើតនៃរោគរាតត្បាតបានក្លាយជាប្រភពនៃភាពតានតឹងនយោបាយរវាងចិននិងសហរដ្ឋអាមេរិកដែលភាគច្រើនផ្តោតលើវិទ្យាស្ថានវ៉ូហាន់នៃវីរុស្សវិទ្យា (វី។ អាយ។ វី) ដែលមានទីតាំងនៅទីក្រុងវូហានដែលជាកន្លែងដែលមានការផ្ទុះឡើងដំបូងនៅចុងឆ្នាំ ២០១៩ ។

យ៉ាងណាមិញ ប្រទេសចិនត្រូវបានគេរិះគន់ចំពោះ ការបង្ហាញទិន្នន័យអំពីករណីដំបូងរបស់កូវីដ១៩។ របាយការណ៍របស់មន្ទីរពិសោធន៍ជាតិរបស់រដ្ឋាភិបាលសហរដ្ឋអាមេរិកបានសន្និដ្ឋានថាវាអាចជឿទុកចិត្តបានថាវីរុសបានលេចចេញពីមន្ទីរពិសោធន៍វូហាន។

គួររម្លឹកថា តាមរយៈការសិក្សាកន្លងមកបានលើកឡើងថា SARS-CoV-2 អាចនឹងកើតមានដំបូងអឺរ៉ុបនាដើមខែកញ្ញា តែអ្នកជំនាញបានលើកឡើងថា ការលើករឿងនេះឡើងក៏មិនបានសេចក្ដីថា Covid-19 មិនមែនកើតឡើងពីប្រទេសចិន ជាកន្លែងដែលជំងឺ SARS ដូចជា មេរោគកូរ៉ូណាត្រូវបានរកឃើញនៅក្នុងសត្វព្រៃជាច្រើនដែរ៕RT