អន្តរជាតិ៖ ក្រសួងឧស្សាហកម្ម និងពាណិជ្ជកម្មឥណ្ឌាបានប្រកាសនៅថ្ងៃសុក្រថា ចំណូលពាណិជ្ជកម្មរវាងរុស្ស៊ី និងឥណ្ឌាសម្រាប់រយៈពេលប្រាំខែដំបូង ដែលចាប់ផ្តើមនៅក្នុងប្រទេសឥណ្ឌាក្នុងខែមេសា លើសពី 18.2 ពាន់លានដុល្លារ។ នេះបើយោងតាមការចុះផ្សាយដោយទីភ្នាក់ងារសារព័ត៌មាន RT នៅថ្ងៃទី២១ តុលា ២០២២។

យ៉ាងណាមិញ ចាប់ពីខែមេសា ដល់ខែសីហា ទំហំពាណិជ្ជកម្មរវាងប្រទេសទាំងពីរមានចំនួន 18.229 ពាន់លានដុល្លារ។ ដោយសារតែការកើនឡើងយ៉ាងខ្លាំងនេះ រុស្ស៊ីបានក្លាយជាដៃគូពាណិជ្ជកម្មធំជាងគេទីប្រាំពីររបស់ឥណ្ឌា៕RT