លោកបណ្ឌិត ទូច សុឃៈ បន្ថែមថា ក្នុងសំណុំរឿងនេះ មានការឃាត់ខ្លួនមនុស្សចំនួន ៦ នាក់ ខណៈដែលមនុស្សម្នាក់ទៀតមិនពាក់ព័ន្ធ និងត្រូវបានដោះលែងតាមនីតិវិធីដែលច្បាប់កំណត់។ ក្រោយពិនិត្យសំណុំរឿង និងតាមនីតិវិធីតាមឋានានុក្រម ឯកឧត្តមរដ្ឋមន្ត្រីក្រសួងមហាផ្ទៃ បានសម្រេចផ្អាកការងារ និងប្រាក់បៀវត្សរបស់មន្ត្រីចំនួន ៤ នាក់ បណ្ដោះអាសន្ន ដើម្បីបើកផ្លូវឲ្យតុលាការបន្តដំណើរការតាមច្បាប់ ស្វែងរកការពិត និងធានានីតិភាពត្រឹមត្រូវ។

តាមប្រកាសផ្លូវការរបស់ក្រសួង ការចេញប្រកាសនេះ ជាសញ្ញាបង្ហាញពី ការប្តេជ្ញារឹងមាំរបស់ថ្នាក់ដឹកនាំក្រសួងមហាផ្ទៃ ក្នុងការការពារ និងអនុវត្តច្បាប់ ដោយមិនអនុញ្ញាតឲ្យមានអ្នកណាម្នាក់ប្រើប្រាស់តួនាទីមន្ត្រីរាជការ ដើម្បីអនុវត្តសកម្មភាពខុសច្បាប់ ឬប៉ះពាល់ដល់អធិបតេយ្យជាតិ។