ខេត្តសៀមរាប ៖ យោងតាមគណនីហ្វេសប៊ុកផេក វត្តប្រាសាទបឹង សសរវៀច ដែលបានបង្ហោះវីដេអូឃ្លីប កាលពី១០ម៉ោងមុន ភ្ជាប់ជាមួយសំណេរថា « មើលចរិករបស់មន្រ្តីបរិស្ថាន គាត់មិនចេះគោរពព្រះសង្ឃសោះមិនថ្វាយបង្គំហើយថែមទាំងអង្គុយ ដោយប្រើឥរិយាបទមិនសមរម្យទៀត មិនដឹងថាជាប់ជាមន្រ្តីតាមវិធីណា បើសូម្បីតែព្រះសង្ឃក៏មិនចេះគោរពផង។ ព្រះសង្ឃមិនដែលធ្វើអ្វីដែលប៉ះពាល់ដល់មន្រ្តីទេ មានតែចូលរួមការពារព្រៃឈើ និងមើលថែយ៉ាងយកចិត្តទុក្ខដាក់ បែរជាពួកគាត់លើកដៃដកហូតឈើទៅរួចគ្រាន់តែឈើប៉ុន្មានដុំសោះ ។
សូមបងប្អូនជួយស៊ែរផង ដើម្បីអោយថ្នាក់លើបានមើលឃើញពីភាពពើងទ្រូងចំពោះមន្រ្តីថ្នាក់ក្រោមមួយចំនួន»។ ក្រោយពីម្ចាស់ហ្វេសប៊ុកខាងលើបង្ហោះវីដេអូឃ្លីប មិនសមទំនងរបស់មន្ត្រីក្រសួងបរិស្ថានខាងលើរួច មានមហាជនចូលខមមិនរិះគន់យ៉ាងខ្លាំង៕
