(ភ្នំពេញ)៖ ក្នុងគោលការណ៍ថ្មី ឲ្យស្របតាមវិធានការបិទខ្ទប់រាជធានីខេត្ត នាពេលនេះ លោកស្រី ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាល ព្រមទាំង ជាប្រធានគណៈកម្មការ ចំពោះកិច្ចចាក់វ៉ាក់សាំងបង្ការជំងឺកូវីដ១៩ ក្នុងក្របខណ្ឌទូទាំងប្រទេស បានប្រកាសនៅព្រឹកថ្ងៃទី១៧ ខែមេសានេះ ថា អ្នក ដែលត្រូវចាក់វ៉ាក់សាំង កូវីដ លើកទី២ ដែលកំពុងជាប់គាំង ក្នុងខេត្តណា ត្រូវចាក់នៅក្នុងនោះតែម្តង ។ 

ក្នុងសារជាសំឡេង  ជូនទៅកាន់អភិបាលរាជធានីខេត្ត នៅទូទាំងប្រទេស នាព្រឹកថ្ងៃទី១៧ ខែមេសានេះ លោកស្រី ឱ វណ្ណឌីន បន្ថែមថា គណៈកម្មការ ចំពោះកិច្ចចាក់វ៉ាក់សាំងកូវីដ១៩ ក្របខណ្ឌទូទាំងប្រទេស នឹង បញ្ជូន វ៉ាក់សាំង បន្ថែម ២០០ដូស ដល់ ខេត្តនិមួយៗ សម្រាប់ ត្រៀមបម្រុង  ចាក់ដល់ អ្នកដែលជាប់គាំង តាមបណ្តាខេត្ត ក្នុងអំឡុងពេលអនុវត្តបម្រាម បិទខ្ទប់ រាជធានីខេត្ត នាពេលនេះ ។ វ៉ាក់សាំង បន្ថែមទាំងនេះ នឹងដឹកជញ្ជូន ពីភ្នំពេញ ទៅកាន់រាជធានីភ្នំពេញ នៅថ្ងៃអាទិត្យ ទី១៨ ខែមេសាស្អែកនេះ ហើយ ៕PP