វ៉ាស៊ីនតោន៖ អតីតប្រធានាធិបតីអាមេរិកលោក ដូណាល់ ត្រាំ បានជំរុញឱ្យអ្នកគាំទ្រគណបក្សសាធារណរដ្ឋរបស់លោក ត្រូវចាក់វ៉ាក់សាំងប្រឆាំងនឹង Covid-19 ដោយនិយាយថា លោកណែនាំអោយធ្វើបែបហ្នឹង។

នៅក្នុងបទសម្ភាសន៍តាមទូរទស្សន៍លោកបាននិយាយថា វ៉ាក់សាំងនេះមានសុវត្ថិភាព និងវាជាអ្វីដែលមានប្រសិទ្ធភាព។ តួយ៉ាង អ្នកគាំទ្រអភិរក្សរបស់លោក ត្រាំ គឺជាក្រុមមួយក្នុងចំណោមក្រុមធំៗដែលមិនព្រមនឹងកម្មវិធីចាក់វ៉ាក់សាំង។

គួររំលឹកផងដែរថា អតីតប្រធានាធិបតីរូបនេះផ្ទាល់ ត្រូវបានគេរិះគន់ក្នុងអំឡុងពេលដែលគាត់កាន់តំណែងជានាយករដ្ឋមន្រ្តីសម្រាប់ការមើលស្រាលភាពធ្ងន់ធ្ងរនៃជំងឺរាតត្បាតនេះ។ នៅពេលកម្មវិធីចាក់វ៉ាក់សាំងត្រូវបានគេចែកចាយពាសពេញសហរដ្ឋអាមេរិក ប្រធានាធិបតីដទៃទៀតទាំងអស់បាននិយាយដោយទទូចដល់ជនជាតិអាមេរិកឱ្យទទួលបានការចាក់វ៉ាក់សាំង។

ទោះយ៉ាងណាលោក ត្រាំ នៅតែរក្សាភាពស្ងៀមស្ងាត់ភាគច្រើនលើប្រធានបទនេះ ប៉ុន្តែផ្ទុយមកវិញ គាត់និងភរិយាលោកស្រី Melania បានចាក់វ៉ាក់សាំងនៅឯសេតវិមានដោយសម្ងាត់កាលពីខែមករា។

យ៉ាងណាម៉ិញ លោក Trump បាននិយាយនៅក្នុងបទសម្ភាសន៍មួយនៅទូរទស្សន៍ Fox News កាលពីថ្ងៃអង្គារថា "ខ្ញុំសូមណែនាំវា" ។ ខ្ញុំសូមណែនាំវាទៅមនុស្សជាច្រើនដែលមិនចង់ទទួល និងមនុស្សជាច្រើនបានបោះឆ្នោតឱ្យខ្ញុំដោយស្មោះត្រង់។ លោកបានបន្ថែមទៀតថា “វាជាវ៉ាក់សាំងដ៏អស្ចារ្យ វាជាវ៉ាក់សាំងដែលមានសុវត្ថិភាព ហើយវាជាអ្វីដែលមានប្រសិទ្ធភាព។