CONAKRY៖ តាមរយៈការចុះផ្សាយរបស់ទីភ្នាក់ងារសារព័ត៌មានរ៉យទ័របានអោយដឹងថា មានសេចក្តីប្រកាសពីការផ្ទុះឡើងនៃជំងឺអេបូឡាកាលពីថ្ងៃអាទិត្យ នៅពេលដែលការធ្វើតេស្តបានបង្ហាញជាវិជ្ជមានចំពោះវីរុសនេះបន្ទាប់ពីមនុស្ស ៣ នាក់បានស្លាប់និង ៤ នាក់ធ្លាក់ខ្លួនឈឺនៅឯភាគអាគ្នេយ៍។ ការលេចចេញជាជំងឺលើកដំបូងនៅទីនោះចាប់តាំងពីមានការផ្ទុះឡើងខ្លាំងបំផុតនៅលើពិភពលោកក្នុងឆ្នាំ ២០១៣-២០១៦ ។

អ្នកជំងឺបានធ្លាក់ខ្លួនឈឺដោយមានអាការៈ រាគ ក្អួត និងហូរឈាម បន្ទាប់ពីបានទៅចូលរួមក្នុងពិធីបញ្ចុះសពនៅក្នុងអនុតំបន់ Goueke។ ក្រសួងសុខាភិបាលបាននិយាយថា អ្នកដែលនៅរស់ត្រូវបានដាក់ឱ្យនៅដាច់ឆ្ងាយនៅក្នុងមណ្ឌលព្យាបាល។

ក្រសួងបាននិយាយនៅក្នុងសេចក្តីថ្លែងការណ៍មួយថា “ប្រឈមមុខនឹងស្ថានភាពនេះ និងអនុលោមតាមបទបញ្ជាសុខភាពអន្តរជាតិ រដ្ឋាភិបាល Guinea បានប្រកាសពីការរីករាលដាលនៃជំងឺអេបូឡា” ។

អ្នកដែលត្រូវបានបញ្ចុះនៅថ្ងៃទី ១ ខែកុម្ភៈគឺជាគិលានុបដ្ឋាយិកានៅមណ្ឌលសុខភាពក្នុងតំបន់ហើយបានស្លាប់បន្ទាប់ពីត្រូវបានគេបញ្ជូនទៅព្យាបាលនៅ Nzerekore ជាទីក្រុងមួយនៅជិតព្រំដែនលីបេរីយ៉ា (Liberia) និងប្រទេសកូតឌីវ័រ (Ivory Coast )។

គួររំលឹកថា ការផ្ទុះឡើងនៃជំងឺអេបូឡាឆ្នាំ ២០១៣-២០១៦ នៅអាហ្វ្រិកខាងលិចបានចាប់ផ្តើមនៅ Nzerekore ដែលនៅជិតព្រំដែន។ វាបានបន្តសម្លាប់មនុស្សយ៉ាងហោចណាស់ ១១.៣០០ នាក់ ដែលភាគច្រើននៃករណីទាំងនោះស្ថិតនៅ Guinea, Liberia និង Sierra Leone ។

ការប្រយុទ្ធប្រឆាំងនឹងជំងឺអេបូឡាជាថ្មីម្តងទៀតនឹងដាក់សម្ពាធបន្ថែមលើសេវាកម្មសុខភាពនៅក្នុងប្រទេសនេះ ខណៈដែលពួកគេកំពុងប្រយុទ្ធប្រឆាំងនឹងការរីករាលដាលនៃជំងឺរាតត្បាត (COVID-19) ។ Guinea ជាប្រទេសមួយដែលមានប្រជាជនប្រមាណ ១២ លាននាក់ហើយរហូតមកដល់ពេលនេះបានកត់ត្រាការឆ្លងមេរោគកូរូណាចំនួន ១៤.៨៩៥ នាក់និងស្លាប់ ៨៤ នាក់ ។

វីរុសអេបូឡាបណ្តាលឱ្យក្អួត និងរាគរូសខ្លាំង ហើយឆ្លងតាមរយៈការប៉ះពាល់ជាមួយវត្ថុរាវក្នុងខ្លួន។ វាមានអត្រាមរណភាពខ្ពស់ជាង COVID-19 ប៉ុន្តែមិនដូចមេរោគកូរូណាទេត្រង់ថាវាមិនត្រូវបានចម្លងតាមរយៈ asymptomatic ទេ។

ក្រសួងបាននិយាយថា បុគ្គលិកសុខាភិបាលកំពុងព្យាយាមតាមដាននិងបំបែកទំនាក់ទំនងនៃករណីអេបូឡា ហើយនឹងបើកមជ្ឈមណ្ឌលព្យាបាលមួយនៅ Goueke ដែលស្ថិតនៅចម្ងាយតិចជាងមួយម៉ោងពីទីក្រុង Nzerekore ។

អាជ្ញាធរបានស្នើឱ្យអង្គការសុខភាពពិភពលោក (WHO) អំពីវ៉ាក់សាំងអេបូឡាផងដែរ។ វ៉ាក់សាំងថ្មីបានធ្វើឱ្យប្រសើរឡើងនូវអត្រារស់រានមានជីវិតយ៉ាងខ្លាំងក្នុងប៉ុន្មានឆ្នាំថ្មីៗនេះ។

នាយកប្រចាំតំបន់របស់ WHO ប្រចាំទ្វីបអាហ្វ្រិកលោក Matshidiso Moeti ត្រូវបានគេដកស្រង់សម្តីនៅក្នុងសេចក្តីថ្លែងការណ៍មួយថា "វាជាក្តីបារម្ភដ៏ធំមួយក្នុងការឃើញការរីករាលដាលនៃជំងឺអេបូឡានៅក្នុងប្រទេស Guinea ដែលជាប្រទេសទទួលរងនូវជំងឺរាតត្បាតរួចទៅហើយ" ។

សេចក្ដីថ្លែងការណ៍បាននិយាយថា ដោយសារការផ្ទុះឡើងនៃជំងឺនេះគឺនៅជិតព្រំដែន អង្គការសុខភាពពិភពលោកកំពុងធ្វើការជាមួយអាជ្ញាធរសុខាភិបាលក្នុងប្រទេសលី, Liberia និង Sierra Leone ដើម្បីបង្កើនសមត្ថភាពតាមដាន និងសាកល្បង។

វ៉ាក់សាំងនិងការព្យាបាលដែលបានធ្វើឱ្យប្រសើរឡើងបានជួយដល់កិច្ចប្រឹងប្រែងដើម្បីបញ្ចប់ការផ្ទុះឡើងនៃជំងឺអេបូឡាដ៏ធំបំផុតទី ២ ដែលត្រូវបានប្រកាសជាសាធារណៈនៅសាធារណរដ្ឋប្រជាធិបតេយ្យកុងហ្គោ (Congo) កាលពីខែមិថុនាមុន បន្ទាប់ពីរយៈពេលជិត ២ ឆ្នាំនិងមនុស្សជាង ២.២០០ នាក់បានស្លាប់។

ប៉ុន្តែនៅថ្ងៃអាទិត្យនេះ DRC បានរាយការណ៍ពីករណីថ្មីនៃជំងឺអេបូឡានៅខេត្ត North Kivu ជាកន្លែងដែលមានការលេចចេញវីរុសឡើងវិញនៅថ្ងៃទី ៧ ខែកុម្ភៈ៕