SYDNEY៖ ទីក្រុងស៊ីដនី ប្រទេសអូស្រ្តាលី បានពន្យារពេល ៤ សប្តាហ៍ទៀត កាលពីថ្ងៃពុធ បន្ទាប់ពីបទបញ្ជាស្នាក់នៅក្នុងផ្ទះដែលបានអូសបន្លាយរួចហើយ តែនៅតែមិនអាចទប់ស្កាត់ការផ្ទុះជំងឺកូវីដ១៩ ដោយអាជ្ញាធរព្រមានពីការរឹតត្បិតរបស់ប៉ូលីសដើម្បីលុបបំបាត់ការមិនគោរពច្បាប់។

ឆ្ងាយពីការចាកចេញដែលបានគ្រោងទុកពីការបិទខ្ទប់ ដែលបានជិតផុតកំណត់ក្នុងរយៈពេលតែបីថ្ងៃទៀត ទីក្រុងដែលមានប្រជាជនចំនួន ៥ លាននាក់ និងមជ្ឈមណ្ឌលតំបន់ជិតខាង ដែលមានចម្ងាយ ២០០ គីឡូម៉ែត្រ (១២០ ម៉ាយល៍) នៃឆ្នេរសមុទ្រ ត្រូវបានគេប្រាប់ឱ្យស្នាក់នៅផ្ទះ រហូតដល់ថ្ងៃទី ២៨ ខែសីហា បន្ទាប់ពីមានករណីកើនឡើងជាប់គ្នាខ្លាំង ចាប់តាំងពីការផ្ទុះឡើងនៃវ៉ារ្យ៉ង់វីរុស Delta ដ៏កាចសាហាវបានចាប់ផ្តើមកាលពីខែមុន។

រដ្ឋញូសៅវែល ដែលមានទីក្រុងស៊ីដនីជារដ្ឋធានី បានរាយការណ៍ពីករណីថ្មីចំនួន ១៧៧ ករណី សម្រាប់ថ្ងៃអង្គារ កើនពី ១៧២ករណី កាលពីថ្ងៃច័ន្ទ។ នេះគឺជាការកើនឡើងដ៏ធំបំផុតចាប់តាំងពីអ្នកបើកបរ នៅព្រលានយន្តហោះ មិនបានពាក់ម៉ាស់ និងមិនបានទទួលវ៉ាក់សាំងការពារជំងឺ ដែលជាហេតុបង្កឱ្យមានការផ្ទុះឡើងរហូតដល់ពេលបច្ចុប្បន្ននេះ។ 

គួររំលឹកថា រដ្ឋក៏បានរាយការណ៍ពីការស្លាប់របស់ស្ត្រីម្នាក់ ក្នុងអាយុ ៩០ ឆ្នាំ ដែលជាការស្លាប់លើកទី ១១ នៃការផ្ទុះឡើង។ NR